ZEBADIAS

[Mamarabur Koma ni Jehova].

1. Maysa a Benjamita, anak wenno kaputotan ni Berias.​—1Cr 8:1, 15, 16.

2. Maysa a Benjamita, anak wenno kaputotan ni Elpaal.​—1Cr 8:1, 17, 18.

3. Maysa a mannakigubat a Benjamita a timmipon iti puersa ni David idiay Siclag; anak ni Jehoram a taga Gedor.​—1Cr 12:1, 2, 7.

4. Kaanakan ni Joab ken panguluen ti maikapat iti binulan nga agrikrikus a grupo ti buyot. Ti pannakaikabil ti naganna ‘kalpasan ni amana nga Asael’ ket mabalin a mangipasimudaag nga isu ti sumukat iti saad kalpasan ti pannakapapatay ni Asael. (2Sm 2:23) Wenno no daytoy a binulan a grupo ket naorganisar kalpasan ti ipapatay ni Asael, ngarud mabalin a kaipapananna a naisaad ni Zebadias kas mamangulo iti maysa a grupo a naipanagan ken Asael.​—1Cr 27:1, 7; kitaenyo ti ASAEL Num. 1.

5. Maysa nga agay-aywan iti ruangan a karaman iti panangorganisar ni David iti panagserbi dagiti Levita; anak ni Meselemias, maysa a Korita.​—1Cr 26:1, 2.

6. Maysa kadagiti Levita a naibaon a mangisuro iti linteg ni Jehova kadagiti siudad ti Juda idi maikatlo a tawen ti panagturay ni Jehosafat, idi 934 K.K.P.​—2Cr 17:7-9.

7. Maysa a panguluen iti sangakabbalayan ti Juda, anak ni Ismael, a karaman kadagidiay dinutokan ni Ari Jehosafat a mangtaming kadagiti legal a kaso.​—2Cr 19:8-11.

8. Maysa nga ulo ti sangakabbalayan ni Sefatias iti dasig ni amana. Indauluan ni Zebadias nga anak ni Miguel ti 80 a lallaki iti sangakabbalayanna tapno agsublida idiay Jerusalem a kadua ni Esdras idi 468 K.K.P.​—Esd 8:1, 8.

9. Maysa kadagiti papadi iti sangakabbalayan ni Immer a karaman kadagidiay pinaregta ni Esdras a mangpapanaw kadagiti ganggannaet nga assawada.​—Esd 10:19, 20.