ZEFAT

[mabalin a nagtaud iti sao a kaipapananna ti “agsiput”].

Naarian a siudad dagiti Canaanita iti makin-abagatan a paset ti teritoria ti Juda, nalawag nga iti abagatan ti Arad. Kinautibo dayta ti nagtipon a puersa ti Juda ken Simeon. (Uk 1:16, 17; idiligyo ti Jos 15:30; 19:4.) Ti nagan ti siudad ket nasuktan iti “Horma,” kaipapananna ti “Panangipaay iti Pannakadadael.” Daytoy a siudad, kas iti dadduma pay a siudad dagiti Canaanita, ket inkeddeng ni Jehova a madadael. (De 7:1-4) Dagiti tribu da Juda ken Simeon ti nangitungpal iti dayta a naikeddeng a pannakadadael ti Zefat. Mabalin a ti Zefat ti kangrunaan a siudad dagiti Canaanita iti dayta a distrito wenno lugar.​—Kitaenyo ti HORMA.