No Apay Masapul a Tumabunokayo iti “Nadiosan a Talna” a Kumbension
NO ti terrorismo, rebolusion, ken gubat ti inaldaw-aldawen a pasamak, anian a nagsayaat a mangrugi iti daytoy a bulan mabalinyo ti tumabuno iti “Nadiosan a Talna” a Kumbension dagiti Saksi ni Jehova! Sadiay saankay laeng a makaawat iti praktikal nga instruksion iti panangtaginayon iti talna no di ket pudno a makitayo dagiti rinibo a mangiyap-aplikar iti kasta nga instruksion.
Addakayo koma sadiay manipud iti panglukat a session a mangrugi iti 1:30 iti malem ti Huebes. Mangngeganyonto dagiti nabayagen a manangiwaragawag iti talna. Kasta met, maammuanyonto dagiti silo kadagiti sosial a paglinglingayan ken no kasano a liklikan ida. Ken iti pagnguduan iti sesion, makaawatkayonto ti banag a saan laeng a napintas no di ket banag a mausaryo iti ministerioyo kadagiti dadduma.
Ti programa iti agsapa ti Biernes iparangnanto ti keynote address, a “Nadiosan a Talna Agpaay Kadagidiay Sinuruan ni Jehova.” Matignaykayto iti kasta unay iti drama a “Panangispal ti Biag iti Panawen ti Bisin.” Dikay palabsen dayta!
Iti Sabado, dagiti demonstrasion, panagsaludsod, ken makaisuro a palawag ti mangipaayto iti praktikal a panangiwanwan iti panangtaginayon iti talna iti uneg ti sirkulo ti pamilia. Ti programa agserranto babaen iti napateg a palawag a “Sangalubongan a Kinatalged iti Sidong ti ‘Prinsipe ti Kappia’.”
Iti agsapa ti Domingo ti prangka, makasair a moderno-aldaw a drama ti maiparangto a mangipaganetget iti pannakasapul iti panangsapul iti kinalinteg ti Dios a maipaay iti pannakailasat. Iti malem, ti nabileg a palawag publiko, a “Talna Adtoyen!—No Agsao ti Dios,” ti sabali manen a kangrunaan a paset iti kumbension.
Yantangay 27 a kumbension ti naiyeskediol ditoy Filipinas laeng, addanto maysa a kumbension a saan nga adayo manipud iti pagtaenganyo. Makiumankayo kadagiti lokal a Saksi ni Jehova a maipaay iti oras ken lugar iti maysa a kaasitgan kadakayo.