Ania ti Kuna ti Biblia?

Agbibiagtayo kadin iti ‘maudi nga al-aldaw’?

Panagkunam?

• Wen

• Saan

• Siguro

Ti kuna ti Biblia

“Kadagiti maudi nga aldaw dumtengto dagiti napeggad a tiempo a narigat a pakilangenan.” (2 Timoteo 3:1) Dagiti padto ti Biblia ken dagiti pasamak ita ket ebidensia nga addatayon iti ‘maudi nga al-aldaw.’

Ania pay ti maammuantayo iti Biblia?

• Dagiti gubat, bisin, ginggined, ken epidemia ti makapapatay a sakit ket tanda ti maudi nga al-aldaw.—Mateo 24:3, 7; Lucas 21:11.

• Bayat ti maudi nga al-aldaw, kumaro ti kinadakes dagiti tattao ken dida kayat ti agpaidalan iti Dios.—2 Timoteo 3:2-5.

Ania ti masakbayan nga agur-uray kadagiti tattao?

Adda dagiti mamati . . . nga agpatingga ti maudi nga al-aldaw iti pannakadadael ti daga ken ti amin a tao, ngem patien ti dadduma a sumayaatto ti kasasaad. Ania ti makunam?

Ti kuna ti Biblia

“Dagiti nalinteg tagikuaendanto ti daga, ket agtaengdanto nga agnanayon iti dayta.”—Salmo 37:29.

Ania pay ti maammuantayo iti Biblia?

• Agpatingga ti maudi nga al-aldaw iti pannakaikkat ti amin a kinadakes.—1 Juan 2:17.

• Agbalinto a paraiso ti daga.—Isaias 35:1, 6.