Saludsod

● Apay a mairekomenda kadagiti agibumbunannag nga agserbida iti kongregasion a makinteritoria idiay pagnanaedanda?

Nasken unay nga aramiden dagiti bambanag a naurnos ken iti teokratiko a wagas. Insurat ni Pablo: “Maaramid koma dagiti amin a bambanag a natakneng ken naurnos.”—1 Cor. 14:40.

Bayat nga adda sumagmamano a mailaksid iti daytoy gapu iti rigat ti transportasion, iskediol ti sekular a panggedan, wenno ti panagkasapulan dagiti manangaywan, pangkaaduan a ti kasayaatan a tabunuan a kongregasion isu daydiay makinteritoria idiay pagtataengantayo. Aramidenna daytoy a mas kombeniente iti serbisio ti tay-ak agsipud ta saanna a kasapulan iti adayo a biahe a mapan makipagtrabaho iti grupo. Nalaklaka met ti makitimpuyog kadagiti sabsabali iti kongregasion ken mangiturong kadagiti interesado a tattao kadagiti gimong nga kaasitgan kadakuada. Ken nalakatayo latta ti umasideg kadagiti kakabsat nga asideg kadatayo a mabalin a makatulong kadatayo iti tiempo ti pannakasapul.

Masapul a liklikantayo iti espiritu ti panagwaywayas ken unaentayo dagiti intereses ti Pagarian. (Luc. 16:10) No adda baro a kongregasion a maporma wenno maaramid iti panangurnos kadagiti Panagadal ti Libro iti Kongregasion, mabalin a kaykayattayo ti agtalinaed a kadua dagiti gagayyemtayo. Ngem babaen ti panangawat iti dayta a baro nga urnos, makaaramidtayo kadagiti baro a gagayyem. Nalaklaka met iti biang dagiti panglakayen ti mangipastor iti arban no dagiti agibumbunannag ket agintekda iti teritoria daydiay kongregasion a nakaitimpuyoganda.