Praktikal nga Iyaasideg iti Panagsagana a Maipaay iti Tay-ak ti Serbisio
1 Agkedkedkayo aya no dadduma a makiraman iti paset ti serbisio iti tay-ak agsipud ta dikay ammo no ania ti sawenyo? No kasta, masiguradomi a tagipatgenyo iti iyaasideg a nadakamat ditoy Ti Ministeriotayo iti Pagarian.
2 Mangrugi iti daytoy a ruar, Ti Ministeriotayo iti Pagarian ket itukonna iti ad-adu pay a nagduduma a singasing iti panangipresenta ti mensahe iti Pagarian, kas iti panagbalaybalay, panagsarungkar, wenno iti panagadal ti Biblia. Dagitoy ti mangriing iti panagpanunotyo no ania nga ebkas ti kayatyo nga usaren iti ministerio. No agsaganakayo a maipaay iti ministerio, pilienyo daydiay presentasion a maiparbeng unay idiay teritoriayo. Sumaganad, ikeddengyo no kayatyo nga usaren iti sasao a nadakamat idiay artikulo wenno itutopyo dagiti sasao a maitunos iti lokal a sirkumstansia wenno iti bukodyo a personalidad. Ti panangiparangyo ti agtinnag a kasla makisasao laeng no iyebkasyo iti natural a bukodyo a sasao. Kayatyo aya a palawaen iti ministerioyo babaen ti nagduduma a wagas, a nalabit babaen ti pannakiramanyo iti dadduma a benneg iti umuna a daras? Dagiti detaliado a naitukon a singasing ti nalabit nga isu laeng iti kasapulanyo tapno mairugiyo dayta.
3 No idauloyo iti maysa a taripnong ti kongregasion a maipaay iti tay-ak ti serbisio, masapul a kabisadoyo ti nailanad a material iti Ti Ministeriotayo iti Pagarian. Adalenyo a naimbag ti kopiayo, nga iturongyo iti asikaso kadagiti singasing nga isuda ti kasayaatan nga epektibo iti lokal.
4 Agrag-otayo amin kadagiti bambanag a maaramidtayo iti kasayaatan. Namnamaenmi a daytoy a praktikal nga iyaasideg ket tumulong nga agpadpada kadagiti agdadamo ken napuan kapadasan nga agibumbunannag tapno agbalinda nga epektibo ken naragsak iti ministerioda ti Pagarian.