Agbalinkayo nga Auxiliary Payunir iti Disiembre
1 Nasayaat no amintayo ti mangisaludsod iti bagbagitayo: ‘Iti ania ti magtengan iti panagbalinko a manangawit ti silaw bayat iti Disiembre? Mabalinko kadi ti ag-auxiliary payunir?’—Mat. 5:14, 16.
2 Dagiti bautisado nga agtutubo ti masansan nga addaan iti subra a tiempo manipud pagadalan bayat ti tiempo iti nangina nga aldaw. Adu dagiti agtartrabaho iti amin a tiempo ti addaan met iti kanayonan a tiempo bayat daytoy a bulan. Dagiti kombension ti saan a mangrugi agingga iti Disiembre 23, gapuna nga adda nasurok a tallo a lawas ti bulan a mabalin a mausar iti auxiliary a panagpayunir.
3 Ti makatulbek iti panagserbi nga auxiliary payunir isu ti kinatuloktayo a mangipaay iti kanayonan a regta. (Luc. 13:24) Mabalinanyo kadi ti ag-auxiliary payunir iti Disiembre? Ti panangaramid iti dayta ti tumulong kadakayo a makarikna iti ad-adu a talek kadagiti ruangan ken mangted kadakayo iti dakdakkel a ragsak.—Ara. 20:35.