Agregularkayo iti Tay-ak ti Serbisio

¹ Al-alaentayo met laeng ti positibo nga addang a makiraman iti tay-ak ti serbisio iti regular a pamay-an? Napingettayo kadi a mangiyawat a nasapa ti reporttayo iti tay-ak ti serbisio idiay Kingdom Hall iti kada bulan? Maysa a banag daytoy nga ikagumaantayo nga aramiden, a ditay palubosan nga aglabas ti bulan nga awan a pulos iti naaramidan a nangiwaragawag iti publiko maipapan tl pammatitayo.​—Roma 10:9, 10.

² Malaksid ti panagregulartayo a mismo, naridamtayo koma a tumulong iti dadduma a makiraman met a regular iti tay-ak ti ministerio. (Fil. 2:4) Kasanotayo a maaramid daytoy? Mabalintayo nga awisen dagiti di-bautisado nga agibumbunannag a damo a nangrugi iti ministerio a makikuyog kadatayo. Ti maiparbeng nga iskediol iti serbisio isut’ tumulong a mangsalimetmet a siiirut ti kinapudno a naimula iti pusoda.

³ Agregularkayo iti tay-ak ti serbisio. Simamatalekyo nga iyawat ti reportyo iti tay-ak ti serbisio iti kada bulan. Tulonganyo dagiti dadduma a makiraman met a regular iti serbisio. Ipakitayo ti “ayat iti intero a timpuyog dagiti kakabsat.”​—1 Ped. 2:17.