Gunggonaan Dagiti Dadduma iti Panangusar Kadagiti Magasina
1 Anian a ragsaktayo a makaawat kadagiti kaudian a ruar dagiti Ti Pagwanawanan ken Agriingkayo! Patgentayo ti oportunidad a bumasa kadakuada apaman a mapasangpet tapno magunggonaantayo iti salaysay a naidatag. Mainayon iti panangkita ti material a makatulong kadatayo a personal, nasayaat a kapanunotan no kitaentayo met dagiti puntos a mausar no itukontayo dagiti magasina iti dadduma. Mabalin a kayattayo a markaan dagiti paset a nangruna a makaawis kadagidiay adda iti teritoria ti kongregasion wenno inotar iti marhin dagiti kopiatayo a mangipalagip kadatayo dagiti puntos a mapagsaritaan no kasano a ti artikulo ket maiparang iti lokal.
2 Dagiti pagiwarnaktayo ket addaanda iti manayon a pateg. Nupay nangruna nga ipaay ti asikaso a mangiparang kadagiti agdama a magasina, saan a kasapulan nga ipuera dagiti daan a ruar, idinto ta dagiti pakaammo a linaonda ket saanda nga agdaan a maikuyog iti petsa. Itugotyo dagiti daan a ruar iti bag ti libroyo tapno sidadaanda a mausar iti panangasabayo. Nangruna a nausar dagitoy no adda masinunuo a maammuan a kasapulan ti bumalay.