Gimong ti Serbisio iti Setiembre
Lawas ti Setiembre 2-8
12 min: Dagiti lokal nga anunsio ken Pakaammo iti Ti Ministeriotayo iti Pagarian. Repasuen dagiti kangrunaan a punto ti artikulo a “Panangadal iti Ti Katan-okan a Tao a Nagbiag Pay Laeng” iti Enero 1993 a Ti Ministeriotayo iti Pagarian.
15 min: “Magnakayo Babaen ti Pammati.” Saludsod ken sungbat.
18 min: “Panangiparang iti Naimbag a Damag a Buyogen ti Positibo a Kababalin.” Kalpasan ti ababa a komento iti parapo 1, salaysayen ti parapo 2-5 ti artikulo. Idemostra dagiti presentasion agpadpada iti damo nga ipapan ken iti panagsarungkar.
Kanta 48 ken pangserra a kararag.
Lawas ti Setiembre 9-15
12 min: Dagiti lokal nga anunsio. Report ti kuenta. Pagsasaritaan ti “Ikasabayo ti Pagarian.”
18 min: Repasuen ti Report ti Kongregasion iti 1996 a Tawen ti Serbisio. Makapabileg a palawag ti manangaywan iti serbisio. (Kitaenyo ti libro a Ti Ministeriotayo, panid 100-2.) Komendaran ti nasayaat a naaramidan ti kongregasion. Ipakita no kasano kadakkel ti naaramidan dagiti regular ken auxiliary payunir a nangparang-ay iti trabaho iti lugaryo. Dakamaten ti bilang ti tumabtabuno, nga igunamgunam ti pateg ti regular nga itatabuno. Ibinsabinsa dagiti praktikal a kalat ti kongregasion iti umay a tawen.
15 min: “Panangiparang iti Naimbag a Damag a Buyogen ti Positibo a Kababalin.” Repasuen ti parapo 6-8 laeng, ken idemostra dagiti presentasion iti panangasaba kadagiti tiendaan.
Kanta 123 ken pangserra a kararag.
Lawas ti Setiembre 16-22
15 min: Dagiti lokal nga anunsio. Pagsasaritaan ti “‘Dagiti Mensahero ti Nadiosan a Talna’ a Kombension Distrito” ken paregtaen dagiti amin nga agsaganada a tumabuno.
15 min: “Agbalinkayo a Pagulidanan iti Panagsao ken iti Kababalin.” Saludsod ken sungbat.
15 min: Nakristianuan a Kababalin iti Eskuelaan. Kasao ti ama ti anakna a lalaki wenno babai maipapan kadagiti serioso a palab-og iti eskuelaan; ipaganetgetna a kasapulan nga annadan ti pannakikuykuyog ken liklikan dagiti mapagduaduaan nga aktibidad. Irepasona ti kahon iti panid 24 iti broshur nga Edukasion ken ilawlawagna a kasapulan nga ipakita ti maysa a Saksi ti nasayaat nga ulidan. Dakamaten ti ama dagiti dadduma a pakasulisogan a tumaud mainaig iti panagdroga, pannaki-date, idadar-ay kadagiti sosial a taripnong, wenno pannakipaset kadagiti ay-ayam. Paregtaen ti ama ti agtutubo a di agtaktak a mangipudno kenkuana no adda parikutna—ta kayatna a maammuan ken tumulong.
Kanta 32 ken pangserra a kararag.
Lawas ti Setiembre 23-29
5 min: Dagiti lokal nga anunsio.
20 min: Dagiti lokal a kasapulan. (Wenno palawag a naibasar iti “Kanayon nga Iyallatiwyo ti Awityo ken Jehova” iti Abril 1, 1996, a Pagwanawanan, panid 27-30.)
20 min: “Ikasabayo ti Naimbag a Damag iti Uray Sadinoman.” Saludsod ken sungbat. Pagsasaritaanyo ti parapo 1-15. Basaen ti parapo 3 ken 5. Iraman dagiti lokal a kapadasan.
Kanta 215 ken pangserra a kararag.
Lawas ti Set. 30–Okt. 6
12 min: Dagiti lokal nga anunsio. Pagsasaritaan ti “Saludsod.”
20 min: “Ikasabayo ti Naimbag a Damag iti Uray Sadinoman.” Saludsod ken sungbat. Pagsasaritaanyo ti parapo 16-35. Idemostra ti parapo 23-5. Basaen ti parapo 34-5.
13 min: Repasuen ti Literatura a Tukon iti Oktubre. Itukontayo ti suskripsion Ti Pagwanawanan ken Agriingkayo! Pagsaritaan: (1) Panggep dagiti magasin. (2) Bilang dagiti pagsasao a nakaipablaakanda. (3) Nairanta Ti Pagwanawanan iti personal ken sangapamiliaan a panagadal. (4) Basbasaen dagiti tattao a naggapu iti adu a nagduduma a relihion. (5) Nairantada nga agpaay a nangnangruna kadagiti kupado a tattao. (6) Maipabpablaak Ti Pagwanawanan manipud pay idi 1879; ti Agriingkayo! manipud pay idi 1919.
Kanta 3 ken pangserra a kararag.