Gimong ti Serbisio iti Setiembre
Lawas ti Setiembre 7-13
10 min: Dagiti lokal a pakaammo. Dagiti napili a Pakaammo iti Ministeriotayo iti Pagarian. Repasuen ti kahon a “Singasing.”
15 min: “Makaaramidtayo iti Dakdakkel a Trabaho.” Saludsod ken sungbat. Paregtaen ti amin a mangipasdekda kadagiti nainkalintegan a kalat para iti baro a tawen serbisio ken ikagumaanda a ragpaten dagita.—Kitaenyo Ti Ministeriotayo, panid 116-18.
20 min: “Panangtulong Dagiti Payunir Kadagiti Sabsabali.” Ilawlawag ti panglakayen a malaksid pay iti panangsanay a maipapaay iti Teokratiko nga Eskuelaan ti Panagministro, nayurnos ti personal a panangtulong dagiti payunir kadagiti sabsabali iti ministerio. Mangpataud kadagiti saludsod a maibatay iti artikulo ken pagkomentuenna dagiti agdengdengngeg, nangnangruna dagiti payunir ken agibumbunannag a nairamanen iti programa. Usigen no kasano a magunggonaan a naimbag iti dayta. Mabalin nga isalaysay dagiti payunir no kasanoda a tinagiragsak ken nagunggonaan iti panangtulongda kadagiti sabsabali. Mabalin nga iyebkas dagiti agibumbunannag a natulongan ti panangapresiarda iti daytoy naayat a probision ken dakamatenda dagiti punto a nakatulong kadakuada a nangsagrap iti nabalballigi ken naragragsak a ministerio.
Kanta 172 ken pangserra a kararag.
Lawas ti Setiembre 14-20
10 min: Dagiti lokal a pakaammo. Report ti kuenta.
15 min: Ania ti Kalikaguman ti Dios Kadatayo? Palawag. Irugitayo nga adalen daytoy a broshur inton umay a lawas iti panagadal iti libro ti kongregasion. Paregtaen ti amin nga agsaganada a nasaksakbay ken tabunuanda amin a sesion tapno makabesadoda ti broshur ken masursuroda nga iyadal dayta kadagiti sabsabali. Basaen ti parapo iti sidong ti “No Kasano nga Usaren Daytoy a Broshur.” Usaren ti material iti Enero 15, 1997, a Pagwanawanan, panid 16-17, tapno maipaganetget ti kinapateg ti panangisuro babaen kadagiti saludsod, kasuratan, ken ilustrasion iti broshur. Ipakita koma dagiti konduktor ti panagadal iti libro ti nasayaat nga ehemplo kadagidiay mangyad-adal iti Biblia kadagiti pagtaengan, babaen ti saanda a panagsao iti adu unay ken di pananginayon iti adu unay a detalye.—Kitaenyo ti Ministeriotayo iti Pagarian, Hunio 1996, panid 3, parapo 5.
20 min: Ania ti Naaramidantayo Itay Napan a Tawen? Repasuen ti sekretario ken ti manangaywan iti serbisio ti report ti kongregasion iti serbisio ken ti bilang dagiti tumabtabuno kadagiti gimong itay napan a tawen. Dakamatenda dagiti makaparegta nga aspeto ti report ken pagminarenda dagiti banag a mabalin a parang-ayen. Nakiraman aya amin nga agibumbunannag iti serbisio kabayatan ti Agosto? Ibalabala no ania dagiti kalat nga ipamaysa dagiti panglakayen kadagiti sumaganad a bulan, a pakairamanan ti panangtulong kadagiti amin tapno agbalinda a regular nga agibumbunannag. Iranud dagiti maitutop a punto manipud iti naudi a report ti manangaywan ti sirkito.
Kanta 144 ken pangserra a kararag.
Lawas ti Setiembre 21-27
10 min: Dagiti lokal a pakaammo. Teokratiko a Damdamag.
15 min: Dagiti lokal a kasapulan.
20 min: “Am-ammuenyo Dagiti Kakabsatyo.” Saludsod ken sungbat. Iraman dagiti komento iti Oktubre 1, 1988, a Pagwanawanan, panid 10-11. Paregtaen dagiti amin nga ikagumaanda nga am-ammuen a naimbag ti maysa ken maysa.
Kanta 34 ken pangserra a kararag.
Lawas ti Set. 28–Okt. 4
12 min: Dagiti lokal a pakaammo. Palagipan dagiti agibumbunannag nga itedda dagiti report iti serbisio para iti Setiembre. Paregtaen ti amin nga iplanoda ti ad-adda pay a pannakiraman iti trabaho a panagbalaybalay iti Oktubre tapno ad-adu ti maipaima a magasin. Dakamaten ti Oktubre 1996 a Ministeriotayo iti Pagarian, panid 8, maipaay kadagiti singasing no kasano ti agisagana kadagiti presentasion. Idemostra ti panangitukon kadagiti kaudian a magasin. Mangala kadagiti magasin nga usaren iti ngudo ti lawas.
20 min: “Dagiti Manangaywan a Mangidadaulo—Ti Manangaywan iti Serbisio.” Palawag ti manangaywan iti serbisio. Kalpasan a mairepasona dagiti annongenna, ilawlawagna dagiti espesipiko a wagas a mabalin a makibinnadang ti kongregasion tapno maparang-ay ti kaadu ti magapuanan ken kinaepektibo ti ministerio iti lokal a teritoria.
13 min: Ania ti Mamagbalin a Nasayaat nga Agibumbunannag iti Kongregasion? Palawag, nga adda pannakipaset dagiti agdengdengngeg. Saan a nasken a maaddaan kadagiti naisangsangayan unay nga abilidad wenno laing; imbes ketdi, ad-adda a makalikaguman kadatayo amin ti natudio a kababalin a mangyanninaw iti ayat, kinapakumbaba, regta, ken apresasion. Awisen dagiti agdengdengngeg nga irasonanda no apay a makalikaguman dagitoy a bambanag: (1) naragsak nga espiritu, (2) regular nga itatabuno ken pannakipaset kadagiti gimong, (3) sidadaan a mangawat ken mangitungpal kadagiti paset, (4) pannakikooperar kadagiti panglakayen ken kadagiti urnos para iti kongregasion, (5) napasnek nga interes a tumulong kadagiti sabsabali, ken (6) regular a pannakiraman iti tay-ak ti serbisio ken madagdagus a panagreport iti kada bulan.
Kanta 25 ken pangserra a kararag.