Eskediul ti Gimong ti Serbisio
Lawas ti Abril 10
10 min: Lokal a pakaammo. Dagiti napili a Pakaammo iti Ministeriotayo iti Pagarian. Diyo liplipatan ti espesial a palawag publiko iti Abril 16, a napauluan iti “No Apay a Kasapulan ti Sangatauan ti Subbot.” Paregtaen ti amin a surotenda ti nayeskediul a panagbasa iti Biblia iti Memorial iti Abril 14-19, kas naibalabala iti Panangsukimat Kadagiti Kasuratan iti Inaldaw-aldaw —2000. Repasuen “Dagiti Palagip iti Memorial,” iti panid 4 ti suplemento.
15 min: “Agtigtignaykayo Kadi a Maitunos iti Ayat ni Kristo?” Limitaran ti introduksion iti nakurkurang ngem maysa a minuto, a sarunuen ti saludsod ken sungbat. Iraman dagiti kapanunotan manipud iti Mayo 1, 1998, a Pagwanawanan, panid 16-17, parapo 12-13. Paregtaen ti amin nga ikagumaanda ti agawis kadagiti tattao a tumabuno iti Memorial.
20 min: “Abril—Tiempo ti Panagregta iti Nasayaat nga Ar-aramid!” Saludsod ken sungbat. Narayray a panangusig kadagiti tarigagayantayo nga aramiden iti Abril. Usarenyo ti maudi a tallo wenno uppat a minuto a pangrepaso iti “Regta a Manggutugot iti Kaaduan.”
Kanta 199 ken pangserra a kararag.
Lawas ti Abril 17
13 min: Lokal a pakaammo. Report ti kuenta. Dua laengen ti nabati a ngudo ti lawas iti Abril, isu a paregtaen ti isuamin a makiramanda iti ministerio sakbay nga agtapus ti bulan.
16 min: “Addaankay Kadi iti Espiritu ti Panagsakripisio?” Saludsod ken sungbat. Nasken nga ikeddengtayo dagiti maipangpangruna, nga iyun-unatayo dagiti rumbeng nga iyun-una. Kasapulan ti panagporsegi ken panagteppel tapno makapagtultuloytay nga agaramid iti pagsayaatantayo iti naespirituan. Ilawlawag no ania ti maadaltayo iti ehemplo ni Jesus.—Kitaenyo ti Insight, Tomo 2, panid 68, parapo 3-5.
16 min: Pilien No Sadino ti Kasayaatan a Pangipaimaan Kadagiti Magasin. Palawag, a makiraman ti tallaong. Repasuen dagiti singasing iti Enero 8, 1995, nga Agriingkayo!, panid 22-4. Ilawlawag no apay a nasayaat a biroken dagiti tattao a mabalin a maragsakan kadagiti naisangsangayan nga artikulo nga agparang kadagiti magasin. Mangdakamat kadagiti pagarigan manipud kadagiti napalabas a ruar ken dagiti kita ti indibidual, negosio, wenno organisasion a mabalin a pakaibagayan dagiti artikulo iti lokal a teritoria. Awisen ti tallaong a mangisalaysay kadagiti kapadasan a mangipakita no kasano a nakagun-odda kadagiti nasayaat a resulta babaen ti panangusar iti daytoy a metodo.
Kanta 71 ken pangserra a kararag.
Lawas ti Abril 24
10 min: Lokal a pakaammo. Iyanunsio ti bilang ti timmabuno iti Memorial ti kongregasion. Awisen ti tallaong a mangisalaysay iti naikuna dagidiay damoda ti timmabuno.
17 min: Tulonganyo Dagiti Kabbaro a Makigimong. Palawag a naibatay iti libro a Pannakaammo, panid 161-3, parapo 5-8. Kalpasan ti sumagmamanon a tiempo a panagadal, nasken a tumabunon dagiti kabbaro kadagiti gimong. Mabalin nga adda rigrigatna ti mangawis kadakuada a tumabuno. Ania ti maaramidanyo tapno magutugotyo ida? Rumbeng nga iwayaan dagidiay mangyad-adal ti panangirepasoda iti daytoy a material iti libro a Pannakaammo kadagiti iyad-adalanda sa kalpasanna mangaramidda kadagiti masnup nga urnos a panangtulong kadakuada a makidanggay kadatayo iti pudno a panagdayaw.
18 min: “Maysaka Kadi a Regular a Manangiwaragawag iti Pagarian?” Palawag ken pagsasaritaan ti tallaong nga idauluan ti sekretario. Ilawlawag no apay nga ireporttayo ti maaramidantay iti tay-ak ti serbisio. (Kitaenyo Ti Ministeriotayo, panid 106-8.) Dakamaten ti sumagmamano kadagiti parikut a tumaud no ditay maited a dagus dagiti reporttayo. Awisen ti tallaong a mangibaga no ania ti aramidenda tapno sigurado a makapagreportda iti umiso a tiempo. Ibaga no kasano a makatulong dagiti konduktor ti Panagadal iti Libro ti Kongregasion. Maysa laengen ti nabati a ngudo ti lawas iti Abril, isu nga ipaganetget ti kinapateg ti pannakiraman ti amin iti serbisio ken ti panangireport iti maaramidanda inton agtapus ti bulan.
Kanta 200 ken pangserra a kararag.
Lawas ti Mayo 1
12 min: Lokal a pakaammo. Palagipan ti amin nga itedda dagiti reportda iti tay-ak ti serbisio para iti Abril. Palagipan koma dagiti konduktor ti Panagadal iti Libro ti Kongregasion ti intero a grupoda tapno makuenta aminen a report inton Mayo 6. Repasuen ti “Saludsod” iti panid 7, sa iyaplikar iti lokal.
15 min: Lokal a kasapulan.
18 min: “Siguraduenyo nga Agsublikayo!” Pagsasaritaan ti tallaong. Usigen dagiti makagapu no apay a ditay makapagsarungkar. Ilawlawag no apay a nasken ti kompleto a nota ken ti tarigagay nga agsubli. Isingasing ti panangilatang iti tiempo a panagsarungkar iti kada lawas. Repasuen ti nadakamat iti libro a Ti Ministeriotayo, panid 88-9. Isalaysay ti kapadasan a naipadamag iti 1995 Yearbook, panid 45.—1 Cor. 3:6, 7.
Kanta 68 ken pangserra a kararag.