Eskediul ti Gimong ti Serbisio
Lawas ti Mayo 8
10 min: Lokal a pakaammo ken dagiti napili a Pakaammo iti Ministeriotayo iti Pagarian.
20 min: “Agtultuloykayo a Siririing.” Saludsod ken sungbat. Ilawlawag no apay a kasapulan unay nga agtalinaedtayo a siririing iti naespirituan nupay ditay ammo ti aldaw ken oras. (Kitaenyo ti Nobiembre 1, 1995, a Pagwanawanan, panid 20.) Ipaganetget a ti naan-anay a pannakipaset iti ministerio isu ti maysa kadagiti kasayaatan a wagas tapno makapagtalinaedtayo a nasiput no sadino ti ayantayon iti tiempo ti panungpalan.
15 min: “Ania ti Panangmatmatyo iti Bagiyo?” Palawag ti panglakayen a maibasar iti artikulo ti Enero 15, 2000, a Pagwanawanan, panid 20-2. Ipaganetget a nangnangruna dagiti punto a nadakamat iti maudi nga uppat a parapo ti artikulo a mangipakpakita kadagiti pagimbagan ti natimbeng a panangmatmat iti bagitayo ken saan a napangato unay.
Kanta 201 ken pangserra a kararag.
Lawas ti Mayo 15
10 min: Lokal a pakaammo. Report ti kuenta.
15 min: Lokal a kasapulan.
20 min: Panagbasa iti Biblia a Makagunggona. Palawag ken demostrasion a maibatay iti libro a Giya ti Eskuelaan, panid 35-6, parapo 6-7. Ti regular a programa a panagbasa iti Biblia, a pakaibatayan dagiti tampok iti Biblia, ket paset ti kurikulum ti Teokratiko nga Eskuelaan ti Panagministro. (Disiembre 1999 a Ministeriotayo iti Pagarian, panid 7) Paidemostra iti maysa a pamilia no kasano nga usigen ti sangapamiliaan ti maysa a paset ti nayeskediul a panagbasa iti eskuelaan ita a lawas. Mangpilida iti maysa wenno dua a makapainteres a punto ken agsukimatda pay iti Watch Tower Publications Index wenno Insight on the Scriptures. Ipakita no kasano nga agbalin nga ad-adda a makagunggona ti panagbasa iti Biblia, tapno ad-adda a kabalannatayo a ‘mangaramat a siuumiso iti sao ti kinapudno.’—2 Tim. 2:15.
Kanta 203 ken pangserra a kararag.
Lawas ti Mayo 22
10 min: Lokal a pakaammo. Ilawlawag dagiti punto a mapagsasaritaan kadagiti kaudian a ruar ti Pagwanawanan ken Agriingkayo! a mausar no itukonyo dagita iti Panagiwaras iti Magasin iti daytoy a ngudo ti lawas.
20 min: “Ania ti Kayatyo a Masakbayan Dagiti Annakyo?” Palawag ti maysa a panglakayen a mapagulidanan nga ulo ti pamilia a maibatay iti artikulo ti Pagwanawanan a Hulio 15, 1998, panid 4-6. Pagminaren ti pateg ti panangipakita dagiti nagannak iti napaypayso nga interes iti ar-aramiden dagiti annakda idiay eskuelaan, imbes a bay-anda lattan no ania ti mapaspasamak. Ipaganetget no kasano a dagiti nagannak (1) matulonganda dagiti annakda a mangpili iti maitutop a sekular a trabaho, (2) matulonganda ida nga agsagana a mangdaer iti rigat idiay eskuelaan ken iti pagtrabahuan, ken (3) maipakitada kadakuada no kasano a mapennek dagiti naespirituan a kasapulanda.
15 min: Palawag a pakiramanan ti tallaong kadagiti punto iti “Saludsod.” Ipakita no kasano nga agpadpada a responsable dagiti attendant ken nagannak iti kondukta dagiti ubbing iti uneg ken aglawlaw ti Kingdom Hall.
Kanta 83 ken pangserra a kararag.
Lawas ti Mayo 29
12 min: Lokal a pakaammo. Palagipan ti amin nga itedda dagiti reportda iti tay-ak ti serbisio para iti Mayo. Idemostra ti ababa a presentasion ti literatura a tukon iti Hunio. Ipakita no kasano nga itukon ti panagadal iti Biblia, nga usaren ti leksion 13 iti broshur a Kalikaguman.
15 min: “Panagrag-o iti Sagrado a Serbisioyo.” Palawag. Isalaysay dagiti rason no apay a makapagrag-otay iti ministeriotayo.—Kitaenyo ti Insight, Tomo 2, panid 120.
18 min: Nakristianuan a Kondukta Idiay Eskuelaan. Kasarita ti ama ti anakna a lalaki wenno babai tapno ipakitana dagiti grabe a palab-og idiay eskuelaan, nangnangruna ta dandanin mangrugi ti klase iti daytoy a tawen. Ipaganetgetna ti kinapateg ti panagannad kadagiti pakitimpuyogan ken ti panangliklik kadagiti mapagduaduaan nga aktibidad. Repasuenna ti kahon iti panid 24 ti broshur nga Edukasion sa ilawlawagna ti kinapateg ti panangipakita iti nasayaat nga ehemplo kas maysa a Saksi. Dakamaten ti ama ti sumagmamano a sulisog a tumaud mainaig iti panagusar iti droga, pannaki-date, itatabuno kadagiti sosial a taripnong, wenno pannakiraman iti isports; pagsaritaanda no kasano a liklikan dagiti parikut. Paregtaen ti ama ti agtutubo a saan koma nga agtaktak a mangibaga kenkuana no adda dagiti parikutna—kayatna a maammuan ken kayatna ti tumulong. Para iti ad-adu pay a kapanunotan, kitaenyo ti Pagwanawanan, a Pebrero 15, 1998, panid 8-11.
Kanta 95 ken pangserra a kararag.
Lawas ti Hunio 5
10 min: Lokal a pakaammo.
20 min: “Maysa a Pribilehio a Silulukat Kadagiti Ubbing.” Palawag ken pagsasaritaan ti tallaong. Isalaysay dagiti kapadasan iti Disiembre 1, 1996, a Pagwanawanan, panid 13, parapo 15. Awisenyo dagiti ubbing a manglagip no kasanoda a tinagiragsak ti panagiwaras kadagiti magasin. Paidemostra iti maysa wenno dua nga agtutubo ti simple a presentasion ti magasin iti pagtaengan. Paregtaen dagiti nagannak nga ikuyogda dagiti annakda nga agiwaras iti magasin iti kada lawas.
15 min: “‘Nasubok No iti Pannakaikari’—Kasano?” Palawag ti panglakayen. Repasuen ti Nainkasuratan nga urnos iti kaadda dagiti ministerial nga adipen iti kongregasion. (Kitaenyo ti Insight, Tomo 2, panid 409.) Ipakita no aniada a kualipikasion ti masapul a ragpatenda tapno madutokanda. (Kitaenyo ti libro a Ministeriotayo, panid 55-7.) Dakamaten no kasano a makapagserbi dagiti ministerial nga adipen, ket paregtaen ti ad-adu pay a kakabsat a lallaki a mangragpat iti daytoy a pribilehio.
Kanta 82 ken pangserra a kararag.