Eskediul ti Gimong ti Serbisio
Lawas ti Hunio 11
10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Paregtaen ti isuamin a buyaenda ti video a Jehovah’s Witnesses Stand Firm Against Nazi Assault kas panagsagana iti diskusion iti Gimong ti Serbisio iti lawas ti Hunio 25.
15 min: “Itultuloyyo ti ‘Agaramid iti Nasayaat.’” Makaparegta a nainkasuratan a palawag ti maysa a panglakayen.
20 min: “Danonenyo ti Puso ti Iyad-adalanyo.”a Iramanyo dagiti praktikal a singasing iti panangtulong kadagiti kabbaro no kasanoda a patanoren iti pusoda ti pammati ken panagayat ken Jehova ken ni Jesus. Usarenyo dagiti kangrunaan a punto iti Hulio 15, 1999, a Pagwanawanan, panid 14, parapo 18-20.
Kanta 184 ken pangserra a kararag.
Lawas ti Hunio 18
5 min: Lokal a pakaammo. Report ti kuenta.
10 min: Panangsungbat Kadagiti Posible nga Agkedked a Makisarita. Diskusion a pakairamanan dagiti agdengdengngeg. Repasuenyo “Dagiti Komento” iti libro a Panakirinnason, panid 15. Manipud iti panid 16-20, mangpilikayo iti sumagmamano a panagkedked a masabetyo iti teritoriayo. Awisenyo dagiti agdengdengngeg a mangisalaysay no ania kadagiti singasing ti nagkurri para kadakuada ken no apay.
30 min: “Sidadaankayo Kadi a Pausar?” Makaparegta a palawag a maballaetan kadagiti komento manipud kadagiti agdengdengngeg kas sungbat kadagiti naisagana a saludsod iti parapo 13 ken 18-24. Paregtaenyo dagiti nagannak a tulonganda dagiti annakda a mangutob iti panagserbi iti Bethel kas karerada. Isingasingyo kadagiti pamilia a sangsangkamaysa nga adalenda daytoy a suplemento iti sangapamiliaan a panagadalda.
Kanta 197 ken pangserra a kararag.
Lawas ti Hunio 25
15 min: Lokal a pakaammo. Repasuenyo ti tukon a literatura para iti Hulio ken Agosto. Mangitampok iti dua a broshur nga adda iti stock ti kongregasion. Mangiparang kadagiti naisagana a naimbag a demostrasion no kasano nga itukon dagita iti tay-ak. Para kadagiti singasing a presentasion, kitaenyo ti makinlikud a panid ti Hulio ken Agosto 1995 aginggat’ 1998 a ruar Ti Ministeriotayo iti Pagarian.
30 min: “Agtakderak a Sititibker! Agtakderak a Sititibker! Agtakderak a Sititibker!” Diskusion iti video nga Stand Firm a pakairamanan dagiti agdengdengngeg, nga usarenyo dagiti saludsod iti parapo 2. Kalpasanna, usigenyo ti parapo 3-4. Ingudoyo babaen ti kapadasan iti Nobiembre 22, 1999, Agriingkayo!, panid 31. (Tandaanan: Kadagiti kongregasion nga awan ti asinoman nga addaan iti daytoy a video, mabalin nga iparang ti palawag a “No Aglaplapusanan ti Kinaparabur,” a naibatay iti Nobiembre 1, 1999, a Pagwanawanan, panid 20-23.) Inton Agosto, repasuentayto ti video a The New World Society in Action.
Kanta 29 ken pangserra a kararag.
Lawas ti Hulio 2
13 min: Lokal a pakaammo. Repasuenyo ti kahon nga “Addada Kadi Yearbook nga Awan iti Librariayo?” Mangiranud kadagiti ababa a kapadasan manipud iti Yearbook a 1994, 1995, 1996, wenno 1997 tapno iyilustrar ti kinapateg dagiti linaonda.
15 min: Agtutubo—Agbalinkayo a Masirib iti Panangpili iti Karerayo. Daytoy ti umuna kadagiti tallo a paset iti Gimong ti Serbisio a mangrepaso kadagiti Nainkasuratan a prinsipio a nainaig iti kanayonan nga edukasion. Adda dagiti Kristiano nga agtutubo a mangragragpat kadagiti sekular a karera babaen ti panagkolehio, nga adda negatibo nga epektona iti espiritualidadda. Daytoy a paset ket diskusion ti dua a nagannak ken ti tin-edyer nga anakda a lalaki wenno babai. Ti agtutubo ket kasapulanen a mangaramid iti serioso a pangngeddeng no ania ti kalatna iti masanguanan. Nupay adu ti mayat a mangragpat kadagiti pinansial a pagimbagan, dayaw, wenno dagiti nam-ay iti biag, ti pamilia sukimatenda ti Biblia tapno ammuenda no ania ti irekomendana. (Kitaenyo ti Agimtuod Dagiti Agtutubo, panid 174-5; Ti Pagwanawanan, Agosto 15, 1997, panid 21, ken Setiembre 1, 1999, panid 19-21, parapo 1-3 ken 5-6.) Umanamong ti agtutubo a nainsiriban a ragpaten ti kurso iti biag a makatulong kenkuana a naimbag iti pananggun-od kadagiti nateokratikuan a kalat tapno mayadelantar dagiti banag a mainaig iti Pagarian.
17 min: “Alistokay Koma a Mangbirok Kadagiti Tuleng iti Teritoriayo.”b No adda maala nga estadistika, dakamaten no adda mano a tuleng iti teritoriayo.
Kanta 32 ken pangserra a kararag.
[Dagiti Footnote]
a No adda maala nga estadistika, dakamaten no adda mano a tuleng iti teritoriayo.
b Limitaranyo ti panglukat a komento iti awan pay maysa a minuto, sa isaruno ti saludsod-ken-sungbat a diskusion.