Eskediul ti Gimong ti Serbisio

Lawas ti Hunio 9

Kanta 81

10 min: Lokal a pakaammo. Napili a Pakaammo iti Ti Ministeriotayo iti Pagarian. Babaen ti panangusar kadagiti singasing iti panid 8, mangiparang iti dua a demostrasion no kasano nga itukon ti Hunio 15 a Pagwanawanan ken Hunio 22 nga Agriingkayo!

15 min: “Ti Nakristianuan a Ministerio​—Kangrunaan a Trabahotayo.”a Idagadag kadagiti agtutubo a panunotenda dagiti bendision a matagiragsakda babaen ti panagserbida iti amin-tiempo a ministerio. Iraman dagiti komento iti babaen ti subtitulo a “No Agsupadi ti Kultura ken Konsiensia,” iti Nobiembre 1, 2000, Pagwanawanan, panid 19-20.

20 min: “Panagretiro​—Ruangan a Mangiturong iti Dakdakkel a Trabaho?”b No mabalin, iramanyo ti ababa nga interbiu iti maysa nga agibumbunannag nga ad-adda a nangparayray iti panagserbina ken Jehova idi nagretiron iti sekular a trabaho.

Kanta 190 ken pangserra a kararag.

Lawas ti Hunio 16

Kanta 55

8 min: Lokal a pakaammo. Report ti kuenta.

12 min: Lokal a kasapulan.

25 min: “Siaanep a ‘Mangsaksikayo a Naan-anay.’”c Usarenyo dagiti naipaay a saludsod. Kalpasan a mapagsasaritaan ti parapo 5 ken 6, iramanyo ti ababa a demostrasion maipapan iti di pormal a panangasaba iti agbambantay iti tiendaan ken panangitukon iti tract a Kayatyo Kadi a Maammuan ti Ad-adu Pay Maipapan iti Biblia? Sakbay a mapagsasaritaan ti parapo 7 ken 8, paibasayo dagita iti napigsa.

Kanta 131 ken pangserra a kararag.

Lawas ti Hunio 23

Kanta 95

10 min: Lokal a pakaammo. Babaen ti panangusar kadagiti singasing iti panid 8, mangiparang iti dua a demostrasion no kasano nga itukon ti Hulio 1 a Pagwanawanan ken Hulio 8 nga Agriingkayo! Iti maysa kadagiti demostrasion, mangaskasaba ti agibumbunannag iti lansangan.

20 min: Ania ti Mabalintay nga Aramiden No Maup-upaytayo? Palawag ken pagsasaritaan ti tallaong a naibatay iti Nobiembre 15, 1999, Pagwanawanan, panid 28-9, agraman ti subtitulo a “Panangtaginayon iti Naimbag a Kababalin.” Mangyurnos a nasaksakbay iti maysa wenno dua a makabael nga agibumbunannag a mangilawlawag no ania ti makatulong kadakuada a mangtaginayon iti rag-oda iti ministerio.

15 min: “Panangasaba iti Agbaliwbaliw a Lubong.”d No mapagsasaritaan ti parapo 2-3, saludsodanyo dagiti agdengdengngeg no ania dagiti agdama a pasamak a mabalin nga usaren a pangirugi iti saritaan iti teritoria. No mapagsasaritaan ti parapo 4, mangiparang iti ababa a demostrasion, a mausar ti maysa kadagiti nadakamat a presentasion.

Kanta 15 ken pangserra a kararag.

Lawas ti Hunio 30

Kanta 3

10 min: Lokal a pakaammo. Repasuen ti literatura a maitukon iti Hulio ken Agosto. Itampok ti broshur a Makapnek a Biag ken ti sabali pay a broshur nga adda iti kongregasion. Mangiparang kadagiti naisagana a naimbag a demostrasion no kasano nga itukon dagita iti ministerio.

15 min: “Baldado​—Ngem Nabunga.”e Iraman dagiti komento no kasano a makatulong dagiti dadduma, a naibatay iti Agosto 22, 1990, Agriingkayo!, panid 22-3, iti babaen ti subtitulo nga “Aniat’ Maaramidan?”

20 min: Usarenyo a Sieepektibo ti Sao ti Dios No Ikasabayo ti Pagarian. Pagsasaritaan ti tallaong nga idauluan ti manangaywan iti serbisio. Iti tunggal tao a makasaritatayo iti ministerio, ikagumaantayo ti mangiranud iti makapabileg a Nainkasuratan a kapanunotan maipapan iti Pagarian. Nupay kasta, saantay laeng a basta basaen dagiti teksto ti Biblia. Nasken nga ilawlawag, iyilustrar, ken ipakitatayo ti aplikasionda. Ipakita no kasano a maaramid daytoy, nga usaren kas ehemplo dagiti dadduma a teksto iti libro a Panakirinnason, panid 157-8, iti babaen ti nakaitaliko a subtitulo a “Dagiti natauan nga agtuturay dida maipaay daydiay kasapulan unay ti sangatauan.” Kalpasan ti diskusion, paidemostra iti nakasagana a naimbag nga agibumbunannag no kasano nga usaren a sieepektibo ti maysa a teksto iti panagsarungkar, nga ilawlawagna iti ababa, agusar iti simple nga ilustrasion, ken apagbiit a dakamatenna ti aplikasion ti teksto a mangipakita iti bumalay no kasano a personal a magunggonaan iti panagturay ti Pagarian. Mangrugi ti demostrasion babaen ti panangibasa ti agibumbunannag iti teksto. Idagadagyo iti amin a patanorenda ti abilidad a mangusar a sieepektibo iti Sao ti Dios.

Kanta 171 ken pangserra a kararag.

Lawas ti Hulio 7

Kanta 165

5 min: Lokal a pakaammo.

15 min: Lokal a kapkapadasan. Isalaysay dagiti kapadasan dagiti lokal nga agibumbunannag a (1) nangasaba kadagiti tattao a sabali ti pagsasaoda wenno (2) nangasaba iti nadumaduma a kasasaad, malaksid iti binalaybalay ken iti lansangan.

25 min: “Ipakaammoyo ti Nagan ti Dios.”f Usarenyo dagiti naipaay a saludsod. No mapagsasaritaan ti parapo 4, iramanyo dagiti komento iti kahon a “Panangipakaammo iti Nagan ti Dios,” a masarakan iti panid 124 ti libro a Manangiwaragawag. Paidemostra iti makabael nga agibumbunannag ti maysa a panagsarungkar. Babaen ti panangusar iti dua wenno tallo a teksto iti libro a Panakirinnason, panid 182-3, ipakita no apay a nasken nga ammuen ken usaren ti personal a nagan ti Dios.

Kanta 197 ken pangserra a kararag.

[Dagiti Footnote]