Eskediul ti Gimong ti Serbisio
Lawas ti Setiembre 8
10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Babaen ti panangusar kadagiti singasing iti panid 4, mangiparang iti dua a realistiko a demostrasion no kasano nga itukon ti Setiembre 15 a Pagwanawanan ken Setiembre 22 nga Agriingkayo! Iti maysa kadagiti presentasion, mangipabuya iti estudiante wenno nagannak a mangaskasaba iti maysa a mannursuro.
10 min: Lokal a kasapulan.
25 min: “Agtutubo—Ipasdekyo ti Nasayaat a Pundasion Para iti Masanguanan.”a Paset ti maysa a panglakayen, nga usarenna dagiti naipaay a saludsod. No mapagsasaritaan ti parapo 5, itampok ti rag-o ken dagiti bendision nga itden ti panagserbi iti amin a tiempo.
Kanta 170 ken pangserra a kararag.
Lawas ti Setiembre 15
10 min: Lokal a pakaammo. Report ti kuenta.
10 min: “Panagadal iti Libro nga Agdayawkayo iti Dios.” Palawag ti manangaywan iti panagadal iti libro. Iturong ti atension iti eskediul ti panagadal iti libro. No masalaysay ti maikapat a parapo, iraman dagiti komento iti libro nga Eskuelaan ti Panagministro, panid 28, parapo 1, ken panid 70.
25 min: “Ania ti Nagapuanantayo Idi Napan a Tawen?” Palawag ti manangaywan iti serbisio. Itampok dagiti detalye ti report ti kongregasion iti 2003 a tawen serbisio. Komendaran ti amin gapu kadagiti nasayaat a nagapuanan. Ipamaysa ti atension iti nagapuanan ti kongregasion iti pannakigimong, panagsarungkar ken panangyadal iti Biblia ken panag-auxiliary pioneer. Mangted kadagiti praktikal a singasing a pangparang-ay. Mangikeddeng kadagiti kalat a kabaelan a ragpaten iti umay a tawen.
Kanta 58 ken pangserra a kararag.
Lawas ti Setiembre 22
10 min: Lokal a pakaammo. Babaen ti panangusar kadagiti singasing iti panid 4, mangiparang iti dua a demostrasion no kasano nga itukon ti Oktubre 1 a Pagwanawanan ken Oktubre 8 nga Agriingkayo! Mangiparang iti maysa a panglakayen ken maysa a nakapuy ti salun-atna nga agibumbunannag a mangaskasaba babaen ti telepono.
15 min: Takderanyo ti Kinapudno Idiay Eskuelaan. Manginterbiu iti maysa wenno dua nga agtutubo nga agibumbunannag nga ages-eskuela. Kasano ti panangsarangetda kadagiti parikut ken sulisog nga iyeg dagiti nasionalistiko a seremonia, rally, ekstrakurikular nga isport, ken narugit a kondukta? Iraman dagiti komento no kasano a nabaelanda ti mangasaba idiay eskuelaan.
20 min: Anamongan Aya ti Dios ti Amin a Relihion? Pagsasaritaan ti tallaong a naibatay iti libro a Panakirinnason. Pagsasaritaan no kasano ti makirinnason iti maysa a tao maipapan iti daytoy a banag. (rs p. 362) Itampok dagiti sumagmamano a pakailasinan ti umiso a relihion. (rs p. 368-9) Ti ministeriotayo tulonganna dagiti sabsabali a mangpili iti wagas ti panagdayaw nga anamongan ti Dios.—Col. 1:9, 10.
Kanta 39 ken pangserra a kararag.
Lawas ti Setiembre 29
10 min: Lokal a pakaammo. Ipalagip kadagiti agibumbunannag nga iteddan dagiti reportda iti Setiembre. Dakamaten ti literatura a maitukon iti Oktubre. Mangiparang iti ababa a demostrasion no kasano ti mangirugi iti panangyadal iti Biblia babaen ti broshur a Kalikaguman.
15 min: “Siguraduem nga Iyun-una Dagiti Rebbeng nga Iyun-una!” Palawag a pakipasetan ti tallaong a naibatay iti artikulo iti Setiembre 1, 1998, a Pagwanawanan, panid 19-21. Dakamaten dagiti teokratiko nga aktibidad a nayeskediul kadagiti sumaganad a sumagmamano a bulan, ken paregtaen ti amin a markaanda dagitoy a petsa iti kalendarioda. Pagkomentuen ti tallaong no ania ti ar-aramidenda tapno saanda a maikapis kadagiti naespirituan a probision.
20 min: “Kawesanyo ti Bagiyo iti Kinapakumbaba.”b Pagkomentuen ti tallaong no kasano a mayaplikar dagiti teksto.
Kanta 224 ken pangserra a kararag.
Lawas ti Oktubre 6
10 min: Lokal a pakaammo. Iti daytoy a bulan, mangaramidtayo iti naisangsangayan a panagregget a mangirugi kadagiti panangyadal iti Biblia. Repasuen iti apagbiit ti Mayo 2002 a Ti Ministeriotayo iti Pagarian, panid 1, parapo 1.
15 min: Lokal a kasapulan.
20 min: Panangsaranget iti Impluensia Dagiti Kapatadan. Manginterbiu iti panglakayen wenno ministerial nga adipen a dimmakkel iti Kristiano a sangakabbalayan. Mangdakamat kadagiti napili a punto iti Pebrero 15, 2003, a Pagwanawanan. Ania nga impluensia ti nakaipasanguan ti kabsat idiay eskuelaan? (p. 24 par. 3; p. 25 par. 4-5) Naipasango kadi iti dakes nga impluensia dagiti sabsabali? (p. 26 par. 4-6) Kas nataengan, maipaspasango pay laeng kadi iti impluensia dagiti kapatadanna? Ania ti nakatulong kenkuana a nangsaranget iti impluensia nga umabuloy iti ar-aramiden dagiti dadduma? Iti ababa a konklusion ti palawag a naibatay iti Agosto 1, 1999 a Pagwanawanan, panid 24-5, itampok dagiti gunggona nga itden ti pannakitimpuyog kadagiti nasayaat a kakadua.
Kanta 26 ken pangserra a kararag.
[Dagiti Footnote]
a Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.
b Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.