Eskediul ti Gimong ti Serbisio
Lawas ti Mayo 10
10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Idemostra no kasano nga itukon ti Mayo 15 a Pagwanawanan ken Mayo 22 nga Agriingkayo! babaen ti panangusar kadagiti singasing iti panid 4. Iti tunggal presentasion, mangidemostra iti agduma a pamay-an no ania ti ibaga no adda agkuna, “Adda bukodko a relihion.”—Kitaenyo ti libro a Pannakirinnason, panid 18-19.
15 min: Salaysayen ti manangaywan iti serbisio dagiti punto iti “Saludsod.” Ipaganetget a ditay kayat a pagparangen nga agur-ur-ortayo kadagiti donasion iti publiko. Idagadag iti amin a kameng ti kongregasion a suportaranda a naan-anay ti sangalubongan a trabaho babaen ti regular a panagkontribusion.
20 min: “Lumawakayo.”a Iraman dagiti komento iti libro nga Agdayawkayo iti Dios, panid 150, parapo 14.
Kanta 18 ken pangserra a kararag.
Lawas ti Mayo 17
10 min: Lokal a pakaammo.
15 min: “Ipakitayo ti Panagyamanyo.”b No ipalubos ti oras, pakomentuan iti tallaong dagiti nadakamat a teksto. No mapagsasaritaan ti parapo 3, pagkomentuen ti maysa wenno dua a nag-auxiliary pioneer itay nabiit maipapan kadagiti bendision a sinagrapda iti panagpayunirda.
20 min: Maseknantayo iti Tunggal Maysa. (1 Cor. 12:25, 26) Palawag ken pagsasaritaan ti tallaong a naibatay iti libro a Ministeriotayo, panid 157-9, iti subtitulo a “Pannakaseknan iti Maysa ken Maysa.” Nupay agnanaed dagiti adipen ni Jehova iti nadumaduma a paset ti daga, nagkaykaysatayo unay. Rumbeng nga ikararagantayo nga inaldaw dagiti kakabsattayo. Alistotayo met a mangted iti material a tulong kadagiti agkasapulan. Basaen ken pagsasaritaan dagiti kangrunaan a teksto, ken iraman ti maysa wenno dua a kapadasan a naadaw kadagiti publikasiontayo.
Kanta 100 ken pangserra a kararag.
Lawas ti Mayo 24
12 min: Lokal a pakaammo. Report ti kuenta. Idemostra no kasano nga itukon ti Hunio 1 a Pagwanawanan ken ti Hunio 8 nga Agriingkayo! Ibagay ti tunggal presentasion tapno makaawis iti tao a kameng ti maysa a lokal a relihion.
15 min: “Makapabang-ar a Musika.” Palawag ken pagsasaritaan ti tallaong. Iraman dagiti komento iti 2002 Tinawen a Libro, panid 175, ken Pebrero 1, 1997, a Pagwanawanan, panid 27, parapo 1-2. Iturong ti atension iti maudi nga anunsio iti “Dagiti Pakaammo” maipapan iti audiocassette a Kingdom Melodies No. 9.
18 min: Nakasaganakayo Koma a Mangasaba iti Di Pormal a Pamay-an. Palawag ken pagsasaritaan ti tallaong a naibatay iti Hunio 2003 a Ti Ministeriotayo iti Pagarian, panid 3. Ipasakbay iti sumagmamano a kakabsat a mangisalaysayda kadagiti kapadasanda iti di pormal a panangasaba. Idemostra iti apagbiit no kasano a mausar iti di pormal a panangasaba ti polieto a Kayatyo Kadi ti Makasursuro iti Ad-adu Pay Maipapan iti Biblia ken ti bokleta a Good News for All Nations.
Kanta 211 ken pangserra a kararag.
Lawas ti Mayo 31
8 min: Lokal a pakaammo. Ipalagip kadagiti agibumbunannag nga iteddan dagiti reportda iti Mayo.
17 min: Biag—Sagut a Rumbeng nga Ipateg. Pagsasaritaan ti tallaong a naibatay iti libro a Pannakirinnason, panid 25-6. Iraman dagiti komento iti Mayo 22, 1993, nga Agriingkayo! panid 10-11. Kasanoyo nga ilawlawag ti panangmatmat ni Jehova iti aborsion iti tao nga agkuna nga adda kalintegan ti maysa a babai nga agdesision maipapan kadagiti banag a mangapektar iti bukodna a bagi? Isalaysay ti kapadasan iti Enero 1, 2000, a Pagwanawanan, panid 4, parapo 4-5.
20 min: “Panangitukon iti Agsursuroka iti Naindaklan a Mannursuro.” Inton Hunio, itukontayo daytoy a publikasion. Dakamaten dagiti paset daytoy a libro a nadeskribir iti panid 7, parapo 1-3. Pagkomentuen ti tallaong no ania ti magustuanda iti daytoy. Repasuen dagiti naisingasing a presentasion. Ipakita no kasano nga itampok dagiti ladawan iti panangitukon iti daytoy a libro. Paidemostra ti umuna a presentasion iti maysa nga agtutubo, ken paidemostra dagiti dadduma iti maysa a nataengan.
Kanta 24 ken pangserra a kararag.
Lawas ti Hunio 7
10 min: Lokal a pakaammo.
15 min: Lokal a kasapulan.
20 min: Usarenyo Dagiti Epektibo nga Ilustrasion No Mangisurokayo. Palawag ken pagsasaritaan ti tallaong a naibatay iti Setiembre 1, 2002, a Pagwanawanan, panid 22-4. Ania dagiti uppat a banag a mamagbalin nga epektibo ti maysa nga ilustrasion? Apay a nasayaat a pagbalinen a simple dagiti ilustrasion? Pakasarakan kadagiti nasayaat nga ilustrasion? Usigen ti dadduma kadagiti ehemplo iti kahon iti panid 23, ken pagsasaritaan no apay nga epektibo ti tunggal ilustrasion.
Kanta 133 ken pangserra a kararag.
[Dagiti Footnote]
a Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.
b Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.