Eskediul ti Gimong ti Serbisio

Lawas ti Hunio 14

Kanta 168

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Idemostra no kasano nga itukon ti Hunio 15 a Pagwanawanan ken Hunio 22 nga Agriingkayo! babaen ti panangusar kadagiti singasing iti panid 4 (no maitutop iti teritoriayo). Iti maysa a presentasion, mangaskasaba ti agibumbunannag iti lugar ti negosio. Mabalin nga usaren dagiti sabali pay a realistiko a presentasion.

20 min: “Tulongan ni Jehova Dagiti Agtalek Kenkuana.”a No mapagsasaritaan ti parapo 4, iraman dagiti komento iti libro nga Eskuelaan ti Panagministro, panid 67, parapo 2.

15 min: Apay a Liklikan ti Panagdroga? Pagsasaritaan ti tallaong a naibatay iti libro a Pannakirinnason, panid 119-23. Gagangay a mausar a “pagraragsakan” ti droga. Adu ti mangipapilit nga awan pagdaksan ti kasta a panangusar iti droga; adda pay dagiti mangiruprupir iti panagbalin a legal dagiti droga. Pagsasaritaan no kasanotayo a makirinnason kadagiti kasta a tattao. Iraman dagiti komento iti kahon iti panid 10 ti Nobiembre 8, 1999, Agriingkayo!

Kanta 179 ken pangserra a kararag.

Lawas ti Hunio 21

Kanta 29

10 min: Lokal a pakaammo.

15 min: “Tultulongandatayo Dagiti Anghel.”b Pakomentuan iti tallaong dagiti nadakamat a teksto no ipalubos ti oras.

20 min: Nainkalintegan ti Sirib nga Aggapu iti Ngato. (Sant. 3:17) Palawag ken pagsasaritaan ti tallaong a naibatay iti libro nga Eskuelaan ti Panagministro, panid 251-2. Ania ti kayat a sawen ti panagbalin a nainkalintegan? Apay a nasken dayta iti ministeriotayo? Ania ti maadaltayo iti ulidan ni apostol Pablo? Kasano a maipakita dagiti agibumbunannag ti konsiderasion iti kasasaad dagiti tattao iti lokal a teritoria? Kasanotayo a matulongan dagiti iyad-adalantayo iti Biblia nga agbalin a nainkalintegan? Ipakpakauna iti maysa wenno dua nga agibumbunannag a mangisalaysayda kadagiti kapadasan a mangipakita kadagiti pagsayaatan ti panagbalin a nainkalintegan iti pannakisarita iti bumalay.

Kanta 53 ken pangserra a kararag.

Lawas ti Hunio 28

Kanta 139

12 min: Lokal a pakaammo. Report ti kuenta. Ipalagip kadagiti agibumbunannag nga iteddan dagiti reportda iti Hunio. Idemostra no kasano nga itukon ti Hulio 1 a Pagwanawanan ken Hulio 8 nga Agriingkayo! babaen ti panangusar kadagiti singasing iti panid 4 (no maitutop iti teritoriayo). Iti rugi ti tunggal demostrasion, ti agibumbunannag agkomento iti ababa ken iti nainggayyeman a wagas. Dakamaten a ti panangaramid iti kasta ket makatulong tapno natalged ti rikna ti bumalay a makisarita.

15 min: Lokal a kasapulan.

18 min: “Ti Panagadal ti Kongregasion iti Libro—No Apay a Kasapulantayo.”c Usaren dagiti naipaay a saludsod. Iraman dagiti komento iti artikulo a “Makitinnulongka iti Manangaywan iti Panagadal iti Libro ti Kongregasion,” iti panid 1 ti Nobiembre 2002 a Ti Ministeriotayo iti Pagarian.

Kanta 20 ken pangserra a kararag.

Lawas ti Hulio 5

Kanta 3

10 min: Lokal a pakaammo.

15 min: Ania ti Ibagayo? Palawag ken pagsasaritaan ti tallaong. Iti Hulio ken Agosto, itukontayo dagiti broshur. Ania dagiti broshur a makita dagiti agibumbunannag nga epektibo nga usaren iti lokal a teritoria? Repasuen dagiti naisingasing a presentasion iti Hulio 1998 a Ti Ministeriotayo iti Pagarian, panid 8, wenno kadagiti dadduma pay a napalabas a ruar. Ipaganetget a naglaon ti tunggal presentasion iti (1) maysa a saludsod, (2) maysa a teksto, ken (3) maysa a punto iti publikasion a maitampok. Idemostra ti maysa wenno dua kadagiti presentasion. Idagadag iti amin nga usarenda ti Biblia no iranudda ti naimbag a damag.

20 min: No Ania ti Kasapulan Dagiti Annak Kadagiti Dadakkelda. Palawag ken pagsasaritaan ti tallaong a naibatay iti Agsursuroka iti Naindaklan a Mannursuro, panid 6-7. Nasken a masursuro dagiti annak dagiti prinsipio ti Biblia a nakaibatayan ti pudno a panagdayaw ken maawatanda ti napateg nga akem dagiti nagannak iti pannakasanayda. Pagsasaritaan dagiti singasing maipapan iti panagadal iti libro. Pagkomentuen dagiti nagannak no kasanoda nga inusar dayta a katulongan iti panagadal. Pagkomentuen ti maysa wenno dua nga ubbing no apay a magustuanda daytoy a publikasion.

Kanta 65 ken pangserra a kararag.

[Dagiti Footnote]