Eskediul ti Gimong ti Serbisio

Lawas ti Disiembre 11

Kanta 174

15 min: Lokal a pakaammo. Ilawlawag ti “Baro a Programa ti Aldaw ti Espesial nga Asamblea.” Usaren dagiti singasing iti panid 8 wenno ti dadduma pay a presentasion a maitutop iti teritoriayo a mangidemostra no kasano nga itukon ti Disiembre 15 a Pagwanawanan ken ti Disiembre nga Agriingkayo! Iti maysa kadagiti demostrasion, ipakita no kasano a sungbatan ti agkuna, “Saanak nga interesado.”—Kitaenyo ti libro a Pannakirinnason, p. 16.

15 min: Ti Teokratiko nga Eskuelaan ti Panagministro iti 2007. Palawag ken interbiu nga idauluan ti manangaywan iti eskuelaan. Dakamaten dagiti punto iti suplemento ti Nobiembre 2006 a Ti Ministeriotayo iti Pagarian a nasken nga ipaganetget iti kongregasionyo. Ilawlawagyo a ti manangaywan iti eskuelaan saanna nga iyanunsio a nasaksakbay ti kualidad ti panagpalawag nga isagana ti estudiante. Yantangay iti tawen 2007 ket malpastayton a basaen ti Hebreo a Kasuratan manipud iti Isaias 24 agingga iti ngudo ti Malakias, nagsayaat daytoy a tawen para kadagiti kakabsat a lallaki a madutokan a mangiparang kadagiti tampok ti panagbasa iti Biblia ken kadagidiay agkomento nga usarenda dagiti publikasiontayo a mangilawlawag kadagitoy a naimpadtuan a libro. Kaumanyo ti dua wenno tallo nga agibumbunannag a karaman kadagiti sumaganad: kabbaro nga estudiante, ubing pay nga estudiante a nagsayaat ti panagrang-ayna, ken aduan kapadasan nga estudiante. Paisalaysayyo no ania ti naitulong ti eskuelaan iti ministerio ken espiritualidadda. Paregtaenyo ti amin nga agbalinda a naanep a mangitungpal kadagiti annongenda, makiraman kadagiti tampok iti panagbasa iti Biblia, ken mangyaplikar kadagiti singasing a linawas a maipapaay manipud iti Magunggonaan iti Edukasion nga Ipaay ti Teokratiko nga Eskuelaan ti Panagministro.

15 min: “Dimo Pukawen ti Ayat nga Adda Kenka Idi Damo.”a No ipalubos ti oras, pagkomentuenyo ti tallaong kadagiti naisitar a teksto.

Kanta 193 ken pangserra a kararag.

Lawas ti Disiembre 18

Kanta 150

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Repasuen dagiti punto iti “Saludsod.” Dakamaten dagiti espesial nga urnos para iti panagserbi iti tay-ak iti Disiembre 25 agingga iti Enero 1.

15 min: “Sarungkaram Dagiti Amin a Mangipakita iti Interes.”b Pagkomentuen ti tallaong no kasanoda a naala ti adres ken numero ti telepono dagiti interesado a tattao a nakasabaanda iti di pormal wenno iti lansangan ken paisalaysay kadakuada ti aniaman a naisangsangayan a kapadasan idi sinarungkaranda dagiti kasta a tattao. Mabalin a kasarita a nasaksakbay ti maysa wenno dua nga agkomento.

20 min: “Mangyeg Kadagiti Bendision ti Panagboluntario.”c Kaumanyo ti maysa wenno dua nga agibumbunannag a pagaammo iti kinagagetda nga agboluntario. Kasanoda nga imparangarang ti kinagagetda nga agboluntario? Ania dagiti panagbalbaliw a nasken nga aramidenda, ket kasanoda a naaramid dagita? Ania dagiti bendision a sinagrapda?

Kanta 108 ken pangserra a kararag.

Lawas ti Disiembre 25

Kanta 210

15 min: Lokal a pakaammo. Ibasa ti report ti kuenta ken iyebkas ti panagyaman kadagiti donasion. Ilawlawag ti “Baro a Programa ti Asamblea Sirkito.” Usaren dagiti singasing iti panid 8 wenno ti dadduma pay a presentasion a maitutop iti teritoriayo a mangidemostra no kasano nga itukon ti Enero 1 a Pagwanawanan ken ti Enero nga Agriingkayo! Iti ngudo ti tunggal presentasion, mangibangon iti mamagpanunot a saludsod a masungbatan iti sumaganad nga isasarungkar nga usaren ti libro nga Isursuro ti Biblia.

15 min: Lokal a kasapulan.

15 min: “Adda Kadi Personal a Teritoriam?”d Iraman ti ababa a komento ti manangaywan iti serbisio maipapan kadagiti pagpatinggaan ti teritoria ti kongregasionyo, no kasano kasansan a mawanwanas dayta, ken no mano dagiti teritoria a mabalin nga ituding iti tunggal indibidual.

Kanta 219 ken pangserra a kararag.

Lawas ti Enero 1

Kanta 158

5 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Disiembre.

15 min: Panangireport iti Irarang-ay ti Ministerio. Palawag ken pagsasaritaan ti tallaong a naibatay iti Organisado a Mangaramid iti Pagayatan ni Jehova, manipud iti subtitulo iti panid 83 agingga iti ngudo ti kapitulo.

25 min: “Iplanoyo Itan ti Ag-auxiliary Pioneer.”e No mausig ti parapo 8, dakamaten ti petsa ti sumaruno nga ibibisita ti manangaywan iti sirkito no ammoyon dayta. Kaumanyo ti dua wenno tallo a nabiit pay a nag-auxiliary pioneer. Ania dagiti binalbaliwanda iti eskediulda? Kasano a nagunggonaanda? No mabalbalin, ti maysa koma kadagiti mainterbiu ket daydiay nakapag-auxiliary pioneer gapu iti tulong ken suporta dagiti dadduma iti sangakabbalayanna.

Kanta 65 ken pangserra a kararag.

[Dagiti Footnote]