Pagtuladan a Presentasion
Panangirugi iti Panagadal iti Biblia iti Umuna a Sabado iti Mayo
“Napampanunotyo kadin no apay nga ipalpalubos ti Dios ti kinadakes ken panagsagaba?” [Palubosanyo a sumungbat.] Adda makapainteres a topiko a kayatko nga ipakita kadakayo.” Basaenyo a dua ti material iti babaen ti umuna a subtitulo iti panid 16 iti Mayo 1 a ruar Ti Pagwanawanan ken ti maysa kadagiti naisitar a teksto. Itukonyo dagiti magasin sa ibagayo nga agsublikayto tapno usigenyo ti sungbat ti sumaruno a saludsod.
Ti Pagwanawanan Mayo 1
Basaenyo ti Salmo 37:10, 11 sa kunaenyo: “Iti panagkunayo, matungpalto ngata daytoy a kari iti din agbayag? [Palubosanyo a sumungbat.] Ilawlawag daytoy a magasin ti innem a nagduduma a padto iti Biblia a makitkitatayo itan ti kaitungpalanna, dagiti padto a mangipakita nga asidegen a matungpal daytoy a kari.”
Agriingkayo! Mayo
“Adda dagiti agkuna a ti tao ket nangatngato laeng a kita ti animal. Ania ti makunayo? [Palubosanyo a sumungbat sa basaenyo ti Salmo 139:14.] Siempre, limitado ti ammo ti salmista maipapan iti nakaskasdaaw a pakabuklan ti bagi ti tao. Ilawlawag daytoy a magasin no ania ti ammotayon, a pakairamanan dagiti nakaidumaantayo kadagiti animal.”