PANAGBIAG KAS KRISTIANO
Agtutubo—Diyo Itantantan ti Sumrek iti “Dakkel a Ruangan”
Nalaka laeng a panunoten a saan nga agpatingga ti aldaw ti kinaagtutubo ken ditayon mapadasan “dagiti makadidigra nga aldaw” a kakuykuyog ti panaglakay wenno panagbaket iti lubong ni Satanas. (Ec 12:1) No agtutuboka, ipapanmo kadi nga adu pay ti panawenmo a gumaw-at kadagiti naespirituan a kalat kas iti amin-tiempo a panagserbi?
“Ti di mapakpakadaan a pasamak mapagteng” kadatayo amin, a pakairamanan dagiti agtutubo. (Ec 9:11) “Saanyo nga ammo no anianto ti biagyo inton bigat.” (San 4:14) Gapuna, no saan met a kasapulan, saanmo nga itantantan ti gumaw-at kadagiti naespirituan a kalat. Sumrekka iti “dakkel a ruangan a mangiturong iti panagaramid” bayat a silulukat pay dayta kenka. (1Co 16:9) Saanmonto a pagbabawyan dayta.
Dagiti posible a naespirituan a kalat.
Panangasaba iti teritoria a sabali ti lengguahena
Panagpayunir
Panagadal kadagiti teokratiko nga eskuelaan
Panagserbi iti konstruksion
Panagserbi iti Bethel
Panagserbi iti sirkito