Ti Dios Kadi ket Trinidad?

Sungbat ti Biblia

Adu a Kristiano a relihion ti mangisursuro a ti Dios ket Trinidad. Ngem kastoy ti kuna ti Encyclopædia Britannica: “Saan a nagparang ti sao a Trinidad wenno uray naiparipirip man la koma daytoy a doktrina iti Baro a Tulag . . . Nagin-inut nga immadu ti namati iti dayta a doktrina iti las-ud dagiti sumagmamano a siglo ken iti laksid ti adu a panagsusupiat.”

Kinapudnona, awan a pulos ti mabasa iti Biblia a ti Dios ket paset ti Trinidad. Kitaem dagitoy a teksto iti Biblia:

“Ni Jehova a Diostayo ket maymaysa a Jehova.”—Deuteronomio 6:4.

“Sika, nga agnagan Jehova, Sika laeng ti Kangatuan iti intero a daga.”—Salmo 83:18.

“Daytoy kaipapananna ti agnanayon a biag, ti pananggun-odda iti pannakaammo maipapan kenka, ti maymaysa a pudno a Dios, ken iti daydiay imbaonmo, ni Jesu-Kristo.”—Juan 17:3.

“Ti Dios maymaysa.”—Galacia 3:20.

Apay nga ibagbaga ti kaaduan a Kristiano a relihion a ti Dios ket Trinidad?