Ti Dios Kadi ket Maysa Laeng a Puersa, Saan a Persona?

Sungbat ti Biblia

Di maringbawan ti puersa nga us-usaren ti Dios iti intero nga uniberso. Kastoy ti kuna ti Biblia maipapan iti wagas a panangparsuana iti di mabilang a binilion a bituen: “Itangadyo dagiti matayo sadi ngato ket kitaenyo. Siasino ti namarsua kadagitoy a banag? Isu Daydiay mangiruruar iti buyotda sigun a mismo iti bilang, isuda amin awaganna sigun a mismo iti nagan. Gapu iti kinaruay iti dinamiko nga enerhia, kasta met a yantangay isu nakired iti pannakabalin, awan uray maysa kadakuada ti mapukpukaw.”—Isaias 40:25, 26.

Ngem ti Dios ket saan laeng a maysa a nabileg a puersa. Kuna ti Biblia a ti Dios ket addaan iti rikna, kas iti ayat ken gura. (Salmo 11:5; Juan 3:16) Ibagana pay a ti ar-aramiden dagiti tattao apektaranna ti rikna ti Dios.—Salmo 78:40, 41.