Ania Dagiti Mabalinko nga Ikararag?

Sungbat ti Biblia

Mabalinmo nga ikararag ti aniaman a banag a makaay-ayo iti Dios kas kunaen ti Biblia. ‘Uray ania ti dawatentayo maitunos iti pagayatan ti Dios, denggennatayo.’ (1 Juan 5:14) Mabalinmo kadi a dakamaten dagiti personal a pakaseknam? Wen. Kuna ti Biblia: ‘Iti sanguanan ti Dios iparukpokmo ti pusom.’—Salmo 62:8.

Dagiti mabalin nga ikararag

• Pammati iti Dios.—Lucas 17:5.

• Nasantuan nga espiritu, wenno aktibo a puersa ti Dios, a tumulong kenka a mangaramid iti umiso.—Lucas 11:13.

• Bileg a tumulong kenka a mangdaer kadagiti pakarigatan ken manglaban iti sulisog.—Filipos 4:13.

• Talna ti panunot wenno kinakalmado.—Filipos 4:6, 7.

• Sirib a tumulong kenka a mangaramid iti umiso a desision.—Santiago 1:5.

• Tulong iti inaldaw a kasapulan.—Mateo 6:11.

• Pannakapakawan ti basol.—Mateo 6:12.