Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • g86 10/22 p. 9
  • No Kasano a Salaknibanyo ti Bagiyo Manipud AIDS

Awan video-na ti napilim.

Pasensiakan, adda problema iti pannakai-load ti video.

  • No Kasano a Salaknibanyo ti Bagiyo Manipud AIDS
  • Agriingkayo!—1986
  • Subtitulo
  • Umasping a Material
  • Ti Ad-adda nga Agsakit a Grupo
  • Siasino Pay dagiti Mabalin nga Agsakit?
  • Dadduma Pay a Mabalin a Maakaran
  • Sabali Pay a Maakaran a Grupo
  • Apay a ti AIDS Nagsaknap iti Kasta Unay?
    Agriingkayo!—1988
  • No Kasano a Liklikan ti Aids
    Agriingkayo!—1988
  • Siasino dagiti Agpeggad?
    Agriingkayo!—1986
  • Ania ti Kuna ti Biblia Maipapan iti Panangyalison iti Dara?
    Sungbat Dagiti Saludsod Maipapan iti Biblia
Kitaen ti Ad-adu Pay
Agriingkayo!—1986
g86 10/22 p. 9

No Kasano a Salaknibanyo ti Bagiyo Manipud AIDS

UMUNA, liklikanyo dagiti pagtataudan ti pannakamulit. Kasano ti panangaramidyo iti dayta? Babaen ti panagbiag a maitunos kadagiti pagalagadan iti kababalin nga impaay ti Mannakabalin-amin a Dios. Usigenyo no kasano a dagitoy ti mabalin koma a nangsalaknib kadagiti rinibo a matmatay itan iti AIDS.

Ti Ad-adda nga Agsakit a Grupo

Dagitoy dagiti aktibo iti sekso a homoseksual, nangnangruna dagidiay kankanayon nga agsapsapul kadagiti kabbaro a pareha. Kunaen ti Biblia:

“Dikanto kaidda ti lalaki a kas ibilang a babai. Daytoy ti kinarimon.”​—Levitico 18:22.

“Ket kasta met dagiti lallaki binaybay-anda ti nakaparsuaan dagiti babbai ket simgedda iti derrep iti maysa ken maysa kadakuada, nga inaramidda ti nakarugrugit a pamay-an a lallaki ken lallaki, ket inawatda kadagiti bagbagida met laeng ti maikari a gunggona ti pannakaallilawda.”​—Roma 1:27.

“Dikay koma agbiddut: uray dagiti mannakiabig, uray dagiti agrukbab kadagiti ladladawan, uray dagiti makikamkamalala, uray dagiti binabai, uray dagiti kinalulok dagiti homoseksual . . . saandanto a tawiden ti pagarian ti Dios.”​—1 Corinto 6:9, 10, The New English Bible.

Siasino Pay dagiti Mabalin nga Agsakit?

Dagiti tattao a makidenna iti siasinoman nga addaan iti virus ti AIDS lalaki man wenno babai. Kunaen ti Biblia maipapan iti daytoy:

“Ti panagasawa nadayaw koma kadagiti isuamin, ket ti pagiddaan awan koma ti tulawna; ta ti Dios ukomennanto dagiti mannakiabig ken dagiti mannakikamalala.”​—Hebreo 13:4.

“Papatayenyo ngarud dagiti kamkamengyo nga addada iti rabaw ti daga, nga isuda ti pannakikamalala, ti kinarugit, dagiti derrep, dagiti dakes a tarigagay . . . Gapu kadagitoy a banag umay ti pungtot ti Dios.”​—Colosas 3:5, 6.

Dadduma Pay a Mabalin a Maakaran

Dagiti manangabuso ti droga a mangmulit kadagiti bagbagida kadagiti droga, a mangitudok kadagiti bagbagida kadagiti narugitan a dagum. Ti panangkondenar ti Biblia iti panagbartek ti pudno nga agaplikar iti panangabuso iti moderno a droga a makaulaw ken makabibineg iti isip a kas ti patauden ti alkohol.

“Agdalustay koma iti isuamin a kinarugit ti lasag ken espiritu nga an-anayentayo ti kinasanto ti panagbuteng iti Dios.”​—2 Corinto 7:1.

“Dikay koma maallilaw. Uray dagiti mannakiabig . . . uray dagiti managbarbartek . . . saandanto a tawiden ti pagarian ti Dios.”​—1 Corinto 6:9, 10.

Sabali Pay a Maakaran a Grupo

Dagiti tattao nga umawat iti namulitan a dara babaen iti panangyalison iti dara. Nakapatpateg, ti Biblia iparitna ti pannangan dagiti tattao iti dara. Kunaenna:

“Dikayto mangan iti dara ti uray ania a lasag, ta ti biag ti isuamin a lasag isu ti darana. Siasinoman a mangan kenkuana maipusayto.”​—Levitico 17:14.

“Ta maipagarup a naimbag iti nasantuan nga espiritu ken kadakami ti di mangipabaklay kadakayo iti dakdakkel nga awit ngem kadagitoy banag a masapul, isu nga adaywanyo . . . ken ti dara.”​—Aramid 15:28, 29.

Saan a tunggal maysa situtulok a mangiyaplikar kadagiti prinsipio ti Biblia maipapan kadagitoy a bambanag wenno umawat iti kinapudno a ti Dios ti addaan iti kalintegan a mangibaga kadatayo no ania ti aramidentayo. Ngem dagiti tattao a nangaramiden iti kasta naragsakda ta inaramidda ti kasta.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share