Kaano a ti Baboy Saan a Baboy?

TI SUNGBAT ket, No kunaen ti cholecystokinin, Umdasen! No naraweten, padasenyo ti CCK. Daytat’ maysa a hormone a patauden dagiti baboy no manganda. No nabsogdan, ti CCK pakaammuannan ti utekda, ‘Sumardengkayon, nalpasen ti pannangan.’ Dagiti baka, karnero, ken dadduma a taraken manganda agingga a mabsogda, ngem saan a kasta kadagiti malalais a baboy! Dagiti managtaraken ti baboy matmatanda dayta a lapped iti panangpalukmeg kadagiti tarakenda, ken ti ganansiada.

Adda ar-aramidendan maipapan iti dayta, kuna ti The Wall Street Journal: “Iti maysa a panagadal iti Departamento ti Agrikultura, naammuan dagiti sientista a mabalin a lapdanda ti hormone babaen ti panangindieksion kadagiti baboy iti bakuna a mamagbalin iti ganasda a mangan a saan a mapmapnek, a ti epektona mangpataud iti pudno a baboy. Iti uneg ti nakurkurang a tallo a bulan, ti naindieksionan nga animal nakannanton ti promedio a 10 kilos a taraon a mais ken soybean, ket dimmagsenen iti 5 kilos, ad-adu a kilo a karne ngem kadagiti saan a naindieksionan a kakaduada.”

“Amin a parsua,” kunada, “mangaramid kadagiti nadumaduma a kaadu ti CCK.” Dagiti tattao addaanda iti dayta, ket kitkitaendan no mabalin a lapdan ti saan a mapmapnek a ganas a mangan. Dagiti managayat a mangan, kuna ti report, “ipakitana ti bassit unay a CCK ken ti saan a pannakapnek.” Ngem innayonna a daytoy a “nababa unay a CCK ket mabalin nga epekto iti nadadael a kababalin iti pannangan imbes a ti makagapu iti dayta.” Kadagiti tattao, maipagarup a dua a lugar iti hypothalamus gland, ti pakapnekan ken ti pagpakanan, ti mangtimbeng iti pannangan. Ngem ti umiso a panagandar dagitoy a mangtimbeng mabalin a madadael babaen iti napauten a nalabes a pannangan. Ti sungbat itoy isu ti Galacia 5:22, 23: “Ti bunga iti espiritu ket . . . panagteppel.”