Epektibo a Konklusion

Eclesiastes 12:13, 14

SUMARIO: Iti konklusion, tulongam dagiti agdengdengngeg a mangawat ken mangyaplikar kadagiti nasursuroda.

TI ARAMIDEM:

• Ikonektarmo ti konklusion iti topikom. Ulitem wenno ibagam iti sabali a sasao dagiti kangrunaan a punto ken ti temam.

• Tignayem dagiti agdengdengngeg. Ipakitam kadagiti agdengdengngeg no ania dagiti aramidenda, ken ibagam dagiti nasayaat a rason nga aramidenda dagita. Agsao a sipapasnek ken addaan iti kombiksion.

• Pagbalinem a simple ken ababa ti konklusionmo. Saanka a mangiserrek kadagiti baro a kangrunaan a punto. Iti ababa a napapateg a sasao, tignayem manen ida iti maudi a gundaway.