Interes iti Sabsabali

Ti Inaramid ni Jesus

VIDEO: Ni Jesus ken ti Babai iti Abay ti Bubon

1. Buyaem ti VIDEO, wenno basaem ti Juan 4:​6-9 sa sungbatam dagitoy a saludsod:

1. Ania ti napaliiw ni Jesus iti babai sakbay a kinasaritana?

2. Kinuna ni Jesus: “Ikannak man iti inumek.” Apay nga epektibo daytoy a pangirugi iti saritaan?

Ania ti Masursurotayo ken Jesus?

2. Dakdakkel ti posibilidadna nga agtultuloy ti saritaan no rugiantayo iti topiko a paginteresan ti kaskasabaantayo.

Tuladem ni Jesus

3. Makibagayka. Saanmo nga ipilit a pangirugi iti saritaan ti insaganam a topiko. Rugiam iti topiko a mabalin a pampanunoten ti sabsabali iti dayta a kanito. Isaludsodmo iti bagim:

1. ‘Ania ti kabaruan a damag?’

2. ‘Ania ti pagsasaritaan dagiti kaarrubak, katrabahuak, wenno kaklasek?’

4. Agpaliiwka. Isaludsodmo iti bagim:

1. ‘Ania ti madama nga ar-aramiden ti kasabaak? Ania ti mabalin a pampanunotenna?’

2. ‘Ania ti ipakita ti bado, itsura, wenno balayna maipapan iti patpatien wenno kulturana?’

3. ‘Mayat kadi a makisaritaak ita kenkuana?’

5. Dumngegka.

1. Saan koma a sika ti makaadu nga agsao.

2. Tulongam ti kaskasabaam nga iyebkasna ti pampanunotenna. No maitutop, agsaludsodka.