ADONI-BEZEC

[Apo ti Bezec].

Mannakabalin nga agturay a, sakbay ti idadarup dagiti Israelita idiay Bezec, namagpakumbaba iti 70 a pagano nga ar-ari babaen ti panangputedna kadagiti tangan ti im-imada ken tangan ti saksakada.

Adda idi tiempo nga umasping iti dayta ti inaramid dagiti nagkauna a taga Atenas, a nangibilin a rebbeng a maikkat dagiti tangan dagiti balud iti gubat. Kalpasan dayta, makapaggaudda ngem saanda a makaiggem iti kampilan wenno pika. Di nagbayag kalpasan ti ipapatay ni Josue, dagiti nagtipon a puersa ti Juda ken Simeon nakirangetda iti 10,000 a tropa dagiti Canaanita ken Perizeo idiay Bezec, a nakaigapuan ti panagtalaw ni Adoni-bezec manipud pannakaabak. Idi nakautibo, naputed met dagiti tangan ti im-imana ken tangan ti saksakana, nga iti dayta a tiempo indeklarana: “Kas iti wagas nga inaramidko, kasta ti insupapak kaniak ti Dios.” Isu naipan idiay Jerusalem, a sadiay a natay.​—Uk 1:4-7.