BET-TAPPUA

[Balay ti [Kayo a] Mansanas].

Maysa a siudad iti katurturodan nga asideg ti Hebron ken paset ti teritoria a tawid ti Juda. (Jos 15:20, 48, 53) Isingasing ti sumagmamano a naipanagan iti dayta ti nagan ni Tappua a taga Juda (1Cr 2:42, 43); nupay kasta, posible met a naala ti Bet-tappua manipud iti nagan dagiti kayo ti mansanas a nalabit naruay idi a nagtubo sadiay. Iti agdama, mainanaig dayta iti moderno-aldaw a Taffuh, agarup 6 km (3.5 mi) iti laud nga amianan-a-laud ti Hebron.