KOLONADA NI SOLOMON

Sigun iti sursurat ni Josephus, daytoy a kolonada sigud nga imbangon ni Solomon iti maysa nga artipisial a tambak iti makindaya a deppaar ti templo. Nupay kasta, ti kolonada nga adda idi umuna a siglo K.P. ket naikuna a karaman kadagiti gapuanan iti trabaho a panagibangon manen ni Herodes. (Jewish Antiquities, VIII, 95-98 [iii, 9]; XX, 219-221 [ix, 7]; The Jewish War, I, 401 [xxi, 1]; V, 184-189 [v, 1]) Iti Piesta ti Dedikasion idi panawen ti lam-ek ti 32 K.P., dagiti Judio sinalangadda ni Jesus idiay kolonada ni Solomon a kalkalikagumanda nga ipabigbigna no isu ti Kristo. (Jn 10:22-24) Kalpasan ti iyuuli ni Jesus iti langlangit, ayuyang latta dagiti adalanna daytoy a disso, nabatad a tapno mangasaba kadagiti Judio sadiay.​—Ara 3:11; 5:12; LADAWAN, Tomo 2, p. 745.