GERASENO, DAGITI

[Iti (Kukua ti) Gerasa].

Idiay “pagilian dagiti Geraseno,” nga adda pasetna a masarakan iti daya ti Baybay ti Galilea, pinaimbag ni Jesu-Kristo ti dua a lallaki a nagunggan ti sairo. (Mr 5:1-20; Lu 8:26-39; idiligyo ti Mt 8:28-34.) Saan nga ammo itan dagiti eksakto a pagpatinggaan daytoy a rehion, ken saan a masigurado ti ayanna. Kuna ti dadduma nga eskolar nga isu daytoy ti lugar iti makindaya nga igid ti Baybay ti Galilea iti aglawlaw ti Kursi, ti lugar nga inawagan da Origen ken Eusebius iti Gergesa. Daytoy laeng ti addaan kadagiti rangkis nga asideg iti igid ti baybay. Kuna met ti dadduma a dayta ti dakkel a distrito nga agpalawa manipud siudad ti Gerasa (Jarash).​—Kitaenyo ti GADARENO, DAGITI.