Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • it-1 “Jesua”
  • Jesua

Awan video-na ti napilim.

Pasensiakan, adda problema iti pannakai-load ti video.

  • Jesua
  • Pannakatarus iti Kasuratan, Tomo 1
  • Umasping a Material
  • Zorobabel
    Pannakatarus iti Kasuratan, Tomo 2
  • Jehozadac
    Pannakatarus iti Kasuratan, Tomo 1
  • Maasias
    Pannakatarus iti Kasuratan, Tomo 2
  • Jedaias
    Pannakatarus iti Kasuratan, Tomo 1
Kitaen ti Ad-adu Pay
Pannakatarus iti Kasuratan, Tomo 1
it-1 “Jesua”

JESUA

[mabalin a napaababa a porma ti Jehosua, kaipapananna ti “Ni Jehova ket Salakan”].

1. Aaroniko a padi idi tiempo ni David. Ti maika-9 kadagiti 24 a benneg ti Aaroniko a kinapadi a naituding iti balay ni Jesua, nga inorganisar ni David. Nalabit dayta met laeng a sangakabbalayan ti nailista a karaman kadagidiay nagsubli a kadua ni Zorobabel manipud pannakaidestiero idiay Babilonia idi 537 K.K.P.​—1Cr 24:1, 11, 31; Esd 2:1, 36; Ne 7:39.

2. Maysa kadagiti Levita a naituding a mangibunong kadagiti apagkapullo ken kontribusion kadagiti siudad ti papadi bayat ti panagturay ni Ari Ezekias.​—2Cr 31:15.

3. Maysa nga Israelita iti pamilia ni Pahat-moab, a ti dadduma kadagiti kaputotanna ket nagsubli a kadua ni Zorobabel manipud pannakaidestiero idiay Babilonia.​—Esd 2:1, 2, 6; Ne 7:11.

4. Maysa a nangato a padi (naawagan Josue iti Haggeo ken Zacarias), anak ni Jehozadac ken apoko ni Seraias. (Esd 3:8; Ne 12:26; 1Cr 6:14) Kameng iti balay ni Eleazar.​—Kitaenyo ti Esd 7:1-5 maipaay iti listaan ti kapuonan manipud ken Eleazar agingga ken Seraias.

Idi dinadael ni Nabucodonosor ti Jerusalem, pinapatayna ni Seraias, a nangato a padi iti daydi a tiempo, ket kinautibona ni Jehozadac nga impan idiay Babilonia. (2Ar 25:18-21; 1Cr 6:14, 15) Nagsubli ni Jesua manipud Babilonia idi 537 K.K.P. a kadua ni Zorobabel ket nagserbi kas nangato a padi kadagiti nagsubli a natda a Judio. (Esd 2:2; 5:2; Ne 7:7; Hag 1:1) Isu a tinaginayon ni Jehova ti linia ti nangato a padi, tapno adda dagiti nangato a padi nga agserbi iti Israel manipud pannakaisublida agingga iti iyaay ti Mesias. Indauluan ni Jesua, agraman ni Zorobabel, ti panangipasdek iti altar, kalpasanna ti panangibangon manen iti templo, ta pinaregta ida da mammadto Haggeo ken Zacarias. (Esd 3:2; 5:1, 2) Sinuportaranna ni Zorobabel a manglaban kadagidiay mangbusbusor iti pannakaibangon manen ti templo.​—Esd 4:1-3.

Ti kinadayag ti templo ni Solomon ket nakita idin ti sumagmamano kadagiti lallakay a karaman kadagiti nagsubli nga Israelita ket kasla matmatanda nga awan kaimudinganna ti naibangon manen a templo. Naibaon ni mammadto Haggeo tapno ibagana kada Zorobabel ken Josue (Jesua) a nadaydayagto daytoy maud-udi a balay ngem iti daydi immun-una. Padayagen ni Jehova daytoy babaen ti panangiserrekna kadagiti “matarigagayan a banag dagiti amin a nasion.”​—Hag 2:1-4, 7, 9.

Naipakita ken mammadto Zacarias ti maysa a sirmata a ni Josue (Jesua) a nangato a padi ket nakatakder iti sanguanan ti anghel ni Jehova, ken adda ni Satanas iti makannawanna a mangbusor kenkuana. Sinukatanda dagiti narugitan a kawes ni “Josue” babaen kadagiti nadaeg a pagan-anay ken nadalus a turbante. Kalpasanna, naibaga ken “Josue” ti maipapan iti adipen ti Dios a Tarubong.​—Zac 3:1-8.

Iti sabali pay a gundaway, imbaga ni Jehova a mangikabil ni Zacarias ti korona iti ulo ni Josue (Jesua) sana kunaen kenkuana: “Adtoy ti lalaki nga agnagan Tarubong. . . . Ket bangonennanto ti templo ni Jehova, . . . ket agbalinto a maysa a padi iti tronona.” Daytoy a padto ket sigurado nga agaplikarto iti maysa a persona iti masanguanan ta, iti sidong ti Linteg, ti kinapadi ken kinaari ket masapul a nagsinada, ken di pulos nagturay ti Nangato a Padi a ni Josue kas ari iti Israel.​—Zac 6:11-13.

5. Ti pannakaulo ti balay ti maysa a Levita, a dadduma kadakuada ket nagsubli a kadua ni Zorobabel manipud pannakaidestiero idiay Babilonia idi 537 K.K.P. (Esd 2:40; Ne 7:43) No saan a sabali a tao a kanagnaganna, maysa a pannakabagi ti balay ni Jesua a nagpirma iti “mapagpiaran nga urnos” nga inaramid ti papadi, piprinsipe, ken dagiti umili tapno magna iti linteg ti Dios. Isu ket anak ni Azanias (Ne 9:38; 10:1, 9) ken nalabit isu met laeng ti Jesua a nadakamat iti Nehemias 12:8, 24.

Nalabit kameng iti daytoy a balay ni Jesua ti nadakamat a “Jozabad nga anak ni Jesua,” maysa kadagiti Levita a nangyawatan ni Esdras iti pirak, balitok, ken kadagiti basehas nga agpaay iti balay ti Dios.​—Esd 8:33.

Ni Ezer nga anak ni Jesua, maysa a prinsipe ti Mizpa, a nagtrabaho iti sidong ni Nehemias iti panangtarimaan iti pader ti Jerusalem, ket mabalin a nagtaud iti daytoy met laeng a pamilia.​—Ne 3:19.

6. Maysa kadagiti Levita a nangimaton iti panangibangon manen iti templo.​—Esd 3:9.

7. Maysa kadagiti Levita a nangibasa ken nangilawlawag iti Linteg kadagiti umili ken nangidaulo iti panagdaydayaw babaen ti panangiwanwan ni Esdras. Nalabit nagtaud met laeng iti balay ti Num. 5.​—Ne 8:7; 9:4, 5.

8. Maysa nga ili iti makin-abagatan a paset ti Juda a nagnaedan ti sumagmamano kadagiti nagsubli a natda a Judio. Kunaen ti dadduma nga eskolar a ti ayanna ket iti Tell es-Saʽweh (Tel Yeshuʽa), agarup 15 km (9 mi) iti daya nga amianan-a-daya ti Beer-seba. (Ne 11:25, 26) Mabalin nga isu daytoy ti Sema iti Josue 15:26, ket posible nga isu ti Sheba iti Josue 19:2.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share