COA

Maysa nga ili wenno rehion a nadakamat a kadua ti Pekod ken Soa iti Ezequiel 23:23, ken impadto ni Jehova a mangipaayto dayta iti kapaset ti puersa dagiti kabusor a dumarup iti di matalek a Jerusalem ken Juda. Nalabit adda ti Coa iti daya ti Babilonia ken gagangay a nainaig kadagiti Qutu, tattao a nagnaed iti daya ti Tigris nga adda kadagiti kapanagan iti nagbaetan ti makinngato a paset dagiti karayan nga ʽAdhaim ken Diyala. Masansan a mapagkadua ti Qutu ken ti Sutu (nalabit ti Soa iti Eze 23:23) kadagiti Asirio a kitikit, a dagiti kasta a rekord ipakitada a makiruprupak dagitoy iti Asiria.