PETOR

Ti pagtaengan ni Balaam, ti mammadto a nangpadas a mangilunod iti Israel. Adda ti Petor “iti igid ti Karayan,” nalawag a ti Eufrates, idiay “Aram-naharaim” (Masoretiko a teksto) wenno “Mesopotamia” (LXX). (Nu 22:5; 23:7; De 23:4, Rbi8 ftn) Gagangay a maikunkuna nga isu ti “Pitru” kadagiti Asirio a kitikit. Masarakan ti Pitru iti Karayan Sajur, maysa a makinlaud nga agus a sumrek iti Eufrates iti abagatan ti Carquemis. Nupay kasta, ti kaaddana iti Sajur ket tumutop iti panangiladawan ti Biblia no la ket ta ti rehion a naawagan “Aram-naharaim” wenno “Mesopotamia” dimmanon agingga iti laud ti Eufrates iti daytoy a lugar.