“Ti Tiempo a Natda Bassiten”
1. Apay a pagarupen dagiti dadduma a ti tiempo maib-ibusen a maipaay iti sangatauan?
TI TIEMPO maib-ibusen a maipaay iti daytoy a sistema dagiti bambanag. Ti maysa a rason no apay nga adu ti nakagteng iti daytoy a konklusion a ta ti mismo a kaadda ti sangatauan ti agpegpeggad. Ta, ti nuklear a holocaust ti kasla asideg unayen ita ket dayta ti makuna a basta “tallo a minutos laengen agingga iti tengnga iti rabii”
2. Ania ti kinuna ti maysa a mannurat maipapan iti nuklear a pammutbuteng?
2 Iti panagsuratna maipapan iti tema a “The Shadow of the Bomb,” ti mannurat nga Australiano a ni Nick Brash kinunana: “Ti maysa a palito iti gelignite nga agdagsen iti kagudua ti kilogram ket umdasen a mangpukaw iti maysa a tao. Ngem ti nuklear nga urnong katupag ita iti uppat a tonelada a gelignite para iti tunggal lalaki, babai ken ubing iti daga. Nasuroken a $500 bilion ti naikabil kadagitoy a nuklear nga armas ket nasurok a $40 bilion ti magastonto pay kadagiti armas iti agliklikmut iti lubong iti daytoy a tawen [1983]. Kasla nakaskasdaaw a gatad iti nakalablabes unay a kabaelan a mamapatay. Katupag dayta ti panangpugsit iti maymaysa a lamok babaen iti 10 a lata iti [insektisidio] a Mortein.”—The Sun Weekend Magazine (Melbourne, Australia), Abril 23, 1983.
3. Ania ti mabalin a maikuna maipapan iti mabalin nga epekto iti nuklear a pannakigubat?
3 Narigat a panunoten dagiti mabalin nga epekto iti nuklear a pannakigubat. Malaksid iti ipapatay dagiti ginasgasut a milion, ti nangisit nga angep iti sangaglobo a panagtinnag dagiti radioaktibo manipud iti nuklear a panagbettak, ti epektona iti ekolohia ken kadagiti pumada iti dayta, addada di nakapapati a pannakariribuk iti sosial, politikal ken ekonomiko nga ar-aramid iti isuamin a daga. Kinapudnona, ni Dr. Brian Martin, maysa a pisiko ken managsirarak idiay Australian National University, inaminna: “Basta saan nga umdas ti pannakaammo tapno ipadto a buyogen iti panagtalek dagiti amin a sangaglobo nga epekto iti nuklear a gubat.”
4. (a) Apay a masiguradotayo a ti sangatauan dinanto pukawen ti bagina met laeng iti maysa a nuklear a holocaust? (b) Kasano ti pannakaammotayo a ti tiempo maib-ibusen a maipaay iti agdama a sistema dagiti bambanag?
4 Ti masanguanan ti kasla nakalawlawag kinapudnona. Ngem dagiti managayat iti Dios, agtalekda! Nupay ti tiempo maib-ibusen a maipaay iti agdama a sistema dagiti bambanag, ti sangatauan dinanto dadaelen ti bagina met laeng iti maysa a makariribuk a nuklear a holocaust. Maipapan iti dayta masiguradotayo, ta ni Jehova, “ti Nangbukel ken Nangaramid” iti daga, “dina inaramid dayta nga awan ti mamaayna, no di ket binukelna tapno isu ti pagnaedan.” (Isaias 45:18, Byington) Siempre, no ti sangatauan maisalakanto manipud pannakapukaw, ti nasapa a nabilbileg ngem tao a panagtignay ti masapul a maaramid tapno maipatingga daytoy a sistema, agraman ti nuklear a kinamauyongna. Siraragsak, ti Namarsua iti planeta a Daga ken ti sangatauan dadaelennanton daytoy dakes, agpagungganen a sistema. Ababa unayen ti tiempona ta “ti dakkel nga aldaw ni Jehova” ket asideg unayen! (Sofonias 1:14-18) Ngem, anian a makaliwliwa a maammuan a bayat dayta a napartak ti iyaadanina nga aldaw iti panangukom, ‘ni Jehova salaknibanna amin dagiti agayat kenkuana, ngem amin dagiti nadangkes dadaelennanto ida’!—Salmo 145:20.
Kasano Pay Kaadu a Tiempo ti Nabati?
5. Sigun iti Apocalipsis 6:9, 10, aniada dagiti paginteresan dagiti napulotan a paspasurot ni Jeeus a sursuruen?
5 Di pagduaduaan nga agtignayton ti Dios a maibusor kadagiti kabusorna. Ngem kasanonto pay kapaut dayta sakbay ti panangipatinggana iti daytoy dakes a sistema dagiti bambanag ken iyeg ti Baro nga Urnos iti kappia ken kinalinteg? Nalabit maysakayo a saksi ni Jehova nga agtarigagay a makaammo iti sungbat dayta a saludsod. Maipapan iti daytoy, mariknayo unay a kas ti narikna dagiti napapatay a napulotan a Kristiano a nairepresentar iti Apocalipsis a kas agas-asug iti dakkel a timek: “Kasano ti kabayagna, Soberano nga Apo a santo ken napudno, a dika ukomen ken ibales ti darami kadagiti agnaed iti rabaw ti daga?” (Apocalipsis 6:9, 10) Wen, piguratibo a dagidiay a napulotan tarigagayanda nga ammuen no kaanonto ti panangibales ti Dios ti darada. Di ngarud pagduaduaan a dagiti Saksi ni Jehova ita sigagagarda ita a mangin-inanama “iti gubat iti dakkel nga aldaw ti Dios a Mannakabalin-amin” idiay HarMagedon!—Apocalipsis 16:14-16.
6, 7. (a) Maipapan iti tiempo, ania ti kinuna ni Pablo idiay 1 Corinto 7:29? (b) Ania a sasao ni Pedro ti mangipaganetget iti kinapudno a daytoy a sistema addaanto iti makadadael a panungpalan?
6 Dagidiay a napulotan a saksi a naibukbok ti darada gapu iti kinamatalekda ken Jehova nakalineada a maipaay iti gunggona, ta kuna ti salaysay ti Biblia: “Ket maited iti tunggal maysa kadakuada ti maysa a pagan-anay a puraw, ket naibaga kadakuada nga aginanada pay iti bassit a panawen agingga a maturpos ti dalan dagiti kaduada met nga adipen, ken dagiti kakabsatda, a mapapataydanto a kas met kadakuada idi.” (Apocalipsis 6:11) Masiguradotayo a ti Dios agtignayto iti naituding a tiempona. Kinapudnona, dagiti sasao ni apostol Pablo idiay 1 Corinto 7:29 ti mainugot unay. Nalawag ti panangibagana kadagiti padana a manamati: “Ti tiempo a natda bassiten.”
7 Dagiti sasao ni Pablo saanda laeng a mangipaay kadagiti moderno nga ad-adipen ni Jehova iti pammaregta no di ket ipamatmatna a ti biag dagiti Kristiano ti masapul a maisentro iti naganat a trabaho ti Dios nga intudingna kadakuada. Iti isu met laeng a kapanunotan, ni apostol Pedro nagsurat: “Ngem ti tungpal dagiti isuamin a banag asidegen.” (1 Pedro 4:7) Ammo ni Pedro a daytoy a sistema ti naikeddengen a maipaay iti makadadael a panungpalanna. Dayta ti pagturonganna!
8. Ti kinapudno a ti panungpalan daytoy a sistema asidegen, addaan koma iti ania nga epekto kadagiti tattao ni Jehova?
8 Agpada ni Pablo ken Pedro impaganetgetda ti kinapudno a daytoy a sistema dagiti bambanag naikeddengen ti pannakadadaelna. Daytoy ti maysa a banag a pulos a saan a liplipatan dagiti pudno a Kristiano. Umayto ti panungpalanna iti kaaldawantayo, ket amin dagiti pammaneknek ipamatmatda a dayta ti pudno nga asideg unayen. Gapuna, inaldaw-aldaw ti padron iti panagbiagtayo masapul nga iparangarangna dayta a pammati. Kasta met, ti kinapudno a nakaadayotayon iti kamaudianan nga al-aldaw daytoy a sistema ti mangipaay koma kadatayo iti determinasion a mangaramid iti inggat’ kabaelantayo iti nasayaat ken naganat unay a trabaho a panangiwaragawag iti naimbag a damag kas naguguran ken naregta a saksi ni Jehova.—Tito 2:13, 14.
Adayotayon “iti Tiempo iti Panungpalan”
9. Iti ania a dagiti kaaduan a tattao okupadoda ita, ket napasamaken kadi daytoy idi?
9 Impadto ni Jesu-Kristo a bayat ti di makita a kaaddana dagiti tattao ukopadodanto unay kadagiti ar-aramid iti panagbiag. Dagitoy malapdandanto, kas dagiti tattao idi kaaldawan ni Noe ken ni Lot. “Kastanto iti aldaw a pannakaiparangarang ti Anak ti tao,” kuna ni Jesus, a tuktukoyenna ti tiempo iti di makita a kaaddana, inton ti pannakadadael maibanagto iti daytoy dakes a sistema.—Lucas 17:26-30.
10, 11. Ania a pammaneknek ti adda a naiparang ditoy a mangipakita a ti panungpalan daytoy a aietema asidegen?
10 Usigenyo met dagiti padpadto a nailanad idiay Mateo 24, Marcos 13 ken Lucas 21. Impadto ni Jesus dagiti bambanag a pulos a saan a matengngel ti tao—kas kadagiti bambanag a baybayangubong ken dadakkel a ginggined. Kasta met, addada ti “umad-adu a kinadakes” nanipud 1914. Dagiti damdamag ita, nangnangruna kadagiti dadakkel a siudad, masansan a kasda laeng dagiti historikal a rekord iti krimen ken kinadakes. Addada pay dagiti dadduma a bambanag malaksid ti estadistika ti agpangpangato a krimen, ta ti espiritu iti di panangikankano kadagiti legal a pannakalapped ti agsaksaknapen, ket ti ayat dagiti adu ti pudno a lumamlamiisen.—Mateo 24:12.
11 Kasta met, “ti panagdanag dagiti nasnasion” itan ti nalawagen a makita agsipud ta dagiti tattao dida ammo ti pamuspusanda kadagiti kumarkaro a rigrigat. (Lucas 21:25, 26) Ken, kasta met, bumasbassit ti bilang dagidiay a nairaman iti “daytoy a kaputotan” iti 1914, a saanen a lumabas sakbay ti kaitungpalan dagiti amin nga impadto ni Jesus iti kaaldawantayo. (Mateo 24:34) Daytoy ti sabali pay a nalawag a pakakitaan a ti panungpalan daytoy a sistema asidegen.
12. Ania ti di pagduaduaan a kadadakkelan a pammaneknek a nakaadayotayon “iti tiempo iti panungpalan”?
12 Adu pay a kanayonan a pammaneknek ti maiparang a mangpaneknek nga adayotayon “iti tiempo ti panungpalan.” (Daniel 12:4) Ngem di pagduaduaan a ti kadadakkelan a pammaneknek nga asidegen ti panungpalan daytoy a sistema isu ti sangalubongan a trabaho a pannakaikasaba ti Pagarian nga ar-aramidenen dagiti Saksi ni Jehova. Pulos a saan pay a napasamak ti kasta a banag idi. Kinapudnona, iti 205 a dagdaga iti agliklikmut ti globo nasurok a 2,650,000 a Saksi ni Jehova ti sireregta a mangar-aramid iti nasayaat a trabaho a panangisaknap iti makapabileg-puso a mensahe a ni Kristo agturturayen iti pannakabalin iti Pagarian nanipud idi 1914. Ket inwaragawag ni Jesus a no daytoy a naimbag a damag ti Pagarian naikasaban kadagiti amin a mapagnaedan a daga, iti kasta “ti panungpalan umayton.”—Mateo 24:14.
Agbiagkayo a Maitunos iti Balakad ti Biblia
13. Kasano koma iti panangmatmattayo iti saaao ni Pablo a ‘dagidiay nga addaan assawa kaslada koma awanan iti assawa’?
13 Agsipud ta ti natda pay a tiempo nalawag a bassit unayen ket ti panungpalan asidegen, dagiti tattao ni Jehova masapul nga agbiagda a maitunos iti balakad ti Biblia, kas kadagiti sasao ni apostol Pablo idiay 1 Corinto 7:29-31. Kalpasan la unay ti panangibagana a “ti tiempo a natda bassiten,” isut’ nagsurat: “Gapuna dagidiay lallaki nga adda assawada agbalinda koma a kasla awan ti assawada.” Ditoy ti apostol dina kayat a sawen a ti maysa a Kristiano nga asawa a lalaki ti masapul a baybay-anna ti asawana. Saan, no di ket bayat a ti maysa a lalaki simamatalek nga aywananna dagiti responsabilidadna iti asawana, masapul nga umun-una nga ipapusona ken panunotenna ti pannakilangenna iti Dios, a kitaenna a ti panagasawana ti mangparang-ay iti daytoy.
14. Sigun iti 1 Corinto 7:30, kasano koma ti panangmatmat dagiti manangiwaragawag iti Pagarian kadagiti personal a parparikut, ken dadduma pay?
14 Iti 1Co 7 bersikulo 30, intuloy a kinuna ni Pablo: “Ket [bay-anyo] a dagidiay agsangit kasla koma dida agsangit, ket dagiti agragsak kasla koma dida agragsak, ket dagiti aggatang kasla awan ti tagikuaenda.” Ania ti kaipapanan dayta? Dagitoy a napaltiingan a sasao ipaganetgetda ti kinapudno a dagiti personal a bambanag, ramanenna man daytoy dagiti sanikua, panagladingit wenno rag-o, saanda a dadakkel a bambanag a maipaay kadagiti ministro ti Pagarian. “Ti panawen ken di mapakpakadaan a pasamak” mapasamakda kadatayo amin ket mabalin a balbaliwanda ti kasasaadtayo a kellaat. (Eclesiastes 9:11; Santiago 4:14) Gapuna saan a nainsiriban ti panagbalintayo nga okupado iti panagladingit, rigrigat ken dagiti nadumaduma a personal a parparikut a dagitoy a pakaseknan ti manglapped a naimbag iti ministeriotayo, ti nainggundawayan unay a trabahotayo a panangikasaba iti naimbag a damag ti Pagarian.
15. Apay koma a minamaag para iti maysa a Kristiano ti panagbalin a naipamaysa kadagiti personal a bambanag a ramanenna dagiti namaterialan a sanikua, ken dagiti pumada iti dayta?
15 Idiay 1 Corinto 7:31, kinuna ni apostol Pablo: “[Bay-anyo] dagidiay mangaramat ti lubong nga [agbalin] a kas dagidiay saan koma nga aglablabes.” Agsipud ta dagiti tattao ti lubong agkurangda iti naibatay-Biblia a namnama, naigamerda a naimbag iti panangpampanunot kadagiti inaldaw a kasapulanda ken ambisionda. Masansan sapulenda ti panangay-ayo kadagiti sabsabali babaen kadagiti namaterialan a sanikua. Ngem, kas inlawlawag ni apostol Juan, “ti kinapalangguad iti panagbiag” ket maysa a mangiparangarang iti “isuamin nga adda iti lubong” a “saan a nagtaud iti Ama, no di ket nagtaud iti lubong.” Ket impanamnama ni Juan kadatayo a “ti lubong aglabas ken kasta met dagiti tarigagayna, ngem ti agaramid iti pagayatan ti Dios mataginayon.” (1 Juan 2:16, 17) Gapuna, kinamaag para iti aniaman a Kristiano, nga addaan iti namnama iti agnanayon a masanguanan iti sanguananna, ti mangipamaysa kadagiti personal a bambanag nga awanen ti nabati pay a tiempona a maipaay kadagiti intereses ti Pagarian. (Mateo 6:25-32; idiligyo iti Filipos 2:19-22; 2 Timoteo 4:10.) Nupay no saan a di umiso ti panangtagiragsak kadagiti makagunggona a namaterialan a sanikua ken uray pay ti dadduma kadagiti nasayaat a panagragragsak, ditay koma palubosan dagitoy a bambanag nga agbalin a pakaisentruan iti panagbiagtayo.—Lucas 12:15.
16. Ania a kababalin ken kalat ti adda a masansan kadagiti nailubongan a tattao, ngem ania koma ti kapapatgan kadagiti ad-adipen ni Jehova?
16 Gagangayen para kadagiti nailubongan a tattao, wenno dagidiay nga agkurang iti pudno a kinanaespirituan, ti agreklamo maipapan iti kasasaadda iti biag. (Idiligyo ti Judas 16.) No masaksakitda, agreklamoda maipapan iti saan a nasayaat a salun-atda. Kasta met, ti napanglaw mabalin nga agreklamo agsipud ta saan a nabaknang. Ket, dagiti kakasta a bambanag a kas ti nasayaat a salun-at ken adu a kinabaknang nalabit agbalin a naipamaysa a kalat iti panagbiagda! Ikagumaanda ti manggun-od kadakuada, ket ti saanda a panagballigi ti mabalin a manglemmes kadakuada iti nakaro a panagliday. Ngem para kadagiti dedikado a tattao ni Jehova ti “sagrado a panagserbi” isu ti kapapatgan. (Roma 12:1, 2) Pudno, nupay ad-adipennatayo ni Jehova, addaantayo kadagiti parparikut a sanguen. Ngem dagitoy dinatayo iturong iti panagreklamo, agreklamo maipapan iti kasasaadtayo iti biag. Addaantayo iti inted-Dios a trabaho nga aramiden, ket maipaay iti daytoy nabendisionan nga aramid mangipaaytayo iti kangrunaan a panangasikaso. Kinapudnona, agragsaktayo agsipud ta iyun-unatayo dagiti intereses ti Pagarian iti panagbiagtayo.—Mateo 6:33.
17. No maipapan kadagiti mabalin a pakalapdan, ania koma ti saan a palubosan dagiti tattao ni Jehova?
17 Ania, ngarud, ti nainsiriban a dalan dagiti ad-adipen ni Jehova? Bueno, mabalintayo nga usaren dagiti bambanag ken serbisio nga ipaay ti lubong, ngem ditay pulos a palubosan dagitoy a manglapped agingga a maisiasitayo iti panagserbi iti Dios. (Lucas 21:34-36) Laglagipenyo nga awan ti adda iti agdama a sistema a mataginayon. Ti kanayon a panagbaliwbaliw daytoy mabalin a gubuayan ti pannakalapped. Wen, kas kinuna ni Pablo, “ti ugali daytoy lubong lumabas.” (1 Corinto 7:31) Ngem masapul a ditay palubosan daytoy a manglapped kadatayo manipud iti panagserbi ken Jehova.
Aramidenyo ti Trabaho iti Apo a Sipapasnek
18. (a) Agsipud ta addatayon “iti tiempo ti panungpalan” nanipud 1914, ania koma a trabaho ti mangpunno iti panagbiagtayo? (b) No agbalintayo nga okupado iti ar-aramid ti Apo, anianto ti mabalin a mapasamak kadagiti parparikuttayo iti panagbiag?
18 Ti kaadda ti naespirituan a pannakaawat, bigbigentayo ti mangringbaw a pammaneknek nga addatayon iti “tiempo iti panungpalan” nanipud 1914. Sigurado, ngarud, a ditay tarigagayan nga usaren ti lubong iti aglablabes a kasla adda banag a malablabsantayo no ditay aramiden ti kasta. Imbes ketdi, punnuentayo ti panagbiagtayo “kadagiti ar-aramid ti Apo.” Nga ‘aduantayo koma iti aramid ti Apo, nga ammoyo a ti aramidyo addanto kapapay-anna iti Apo.’ (1 Corinto 15:58) Gapuna agbalinkayo nga okupado iti panangasaba ken panangisuro kadagiti kinapudno iti Pagarian. Ket anianto ti mabalin a mapasamak kadagiti parparikut iti biag? Dagitoy ti mabalin a maiwalinto iti likudan ket agbalinda a saan a napateg, saan unay a pakadanagan!
19. Ania ti kaipapanan ti ‘panagtalinaed agingga iti panungpalan’?
19 Idi intedna daytoy a dakkel a padto maipapan iti maudi nga al-aldaw daytoy a sistema, kinuna ni Jesus a dagiti paspasurotna “guraento dagiti tattao” gapu iti naganna. “Ngem,” innayonna, “ti agtalinaed agingga iti panungpalan maisalakanto.” (Marcos 13:10-13) Kadatayo kas indibidual a naidedikar ken Jehova, “ti panungpalan” mabalin a “ti panungpalan iti sistema dagiti bambanag” wenno ti ipapataytayo a mismo, nalabit kalpasan iti panagsagaba iti im-ima dagiti manangidadanes. (Mateo 24:3) Iti aniaman kadagitoy a kaso, addaantayo iti limitado a tiempo a panangaramid iti aramid ti Apo. Ditay koma kadi, ngarud, agbalin a napasnek ken naregta iti panangiwaragwag iti mensahe ti Pagarian? Di pagduaduaan, masapul a kasta!
Panawenen iti Panagtignay!
20. Kasano a dagiti Israelitas a nawayawayaan manipud pannakakayaw ti Babilonia nabaelanda nga impakita ti pannakaseknanda iti panagdayaw ken Jehova?
20 Idi a nawayawayaan dagiti kayaw a Judio manipud panangkayaw iti Babilonia idi maika-6 a siglo K.K.P., masapul a mangaramidda iti pangngeddeng. Agsublida kadi iti ilida ket isublida ti panagdayaw ken Jehova sadiay, wenno agtalinaedda idiay Babilonia? Dagiti Israelitas a nagtalinaed iti dayta a siudad saanda met a nadangkes, ta ti lakayen a ni Daniel ket maysa kadakuada. Mabalinda ti mangipaay kadagiti nagsubli a natda kadagiti namaterialan ken moral a panangsuporta ken mabalinda met ti mangipaay kadagiti “boluntario a daton” a maipaay iti balay ni Jehova idiay Jerusalem. (Ezra 1:2-4) Iti kasta mabalinda ti tumulong iti pannakaparang-ay iti pudno a panagdayaw. Anian ti ragsak dagiti amin a managdaydayaw ni Jehova bayat ti panagsubli dagiti natda iti dagada, nga awitda dagiti sagrado nga al-alikamen a mausar idiay templo ni Jehova! Ket dagiti nangawit kadagiti al-alikamen ti santuario masapul a siguraduenda a ginugurandan dagiti bagbagida kadagiti amin a pannakamulit kadagiti relihiuso ken moral a kinarugit iti Babilonia.—Isaias 52:11.
21. (a) Aniada a salsaludsod a naiparang ti maipaay nga usigentayo? (b) Agsipud ta “ti tiempo a nabati bassiten,” ania ti pudno maipapan kadagiti gundaway a mangisaknap iti naimbag a damag?
21 Maseknan kayo kadi maipapan iti pudno a panagdayaw a kas kadagidiay a nawayawayaan nga Israelitas iti agarup 25 a siglon iti napalabas? Us-usigenyo kadi ti naragsak a pribilehio a maipaay iti sagrado a panagserbi ken Jehova a kas paset iti maysa a naguguran ken naregta nga organisasion a mangidaydayaw iti nasantuan a naganna? Maaw-awatanyo kadi dagiti adu a pammaneknek nga agbibiagtayon a nakaad-adayon “iti tiempo ti panungpalan”? No wen ti sungbatyo kadagitoy a salsaludsod, ngarud siguraduenyo a mangal-alakayo iti positibo a panagtignay itan. Ipamaysayo ti panangiyununa kadagiti intereses ti Pagarian iti panagbiagyo. Agsipud ta “ti tiempo a nabati bassiten,” ti agdama a gundawaytayo a mangisaknap iti naimbag a damag ad-adda pay nga agbalin a nakapatpateg. Mabendisionan dagiti amin a mangisentro iti panagbiagda iti Pagarian kas nasungdo a saksi ni Jehova nga addaan iti adu nga aramiden iti panangikasaba iti naimbag a damag bayat nga adda pay tiempo!
Ania dagiti Maipaayyo a Sungbat?
◻ Apay a maib-ibusen ti tiempo a maipaay iti daytoy a sistema dagiti bambanag?
◻ Kasano nga ammotayo a nakaadayotayon “iti tiempo ti panungpalan”?
◻ No agbalintayo nga okupado iti ar-aramid ti Apo, ania ti mabalin a mapasamak kadagiti parparikuttayo?
◻ Agsipud ta asidegen ti panungpalan, ania koma ti pangisentruantayo iti panagbiagtayo?
[Ladawan iti panid 24]
Sapay koma ta dagiti parparikut iti biag dinatay lapdan manipud iti trabaho a panangikasaba iti Pagarian