Panangtungpal iti Ministeriotayo iti Pagarian kas Saksi ni Jehova
1 Kas Saksi ni Jehova addaantayo iti kadakkelan a pribilehio ditoy rabaw ti daga. Itakderantayo ni Jehova iti sangauniberso a kaso ti korte nga isut’ pakaukoman dagiti amin a madaydayaw a kas didios. (Isa. 41:1, 23; 43:12) Tapno matulongantayo nga agdepensa a maipaay iti namnamatayo, impaay ni Jehova iti kompleto a libraria dagiti publikasion. (1 Ped. 3:15) Ti Watch Tower Publications Index isut’ tumulong kadatayo a makasarak iti impormasion a kasapulantayo.
2 Idiay babaen ti paulo a “Jehovah” iti 1986-1989 Index, makasarakkayo kadi iti reperensia a mangilawlawag iti temporario a panangipalubos ni Jehova iti kinadakes? Kasta met idiay sidong iti naisentro a paulo a “Name” nga agpadpada iti 1930-1985 ken iti agdama nga Index, masarakanyo dagiti reperensia iti kada banag a naipablaak maipapan iti nagan a Jehova.
3 Ti sabali a nalatak a paulo isu ti “Jehovah’s Witnesses.” Iramanna dagiti reperensia maipapan kadatayo kas maysa nga organisasion. Ammoyo kadi no ania iti opisial a panangmatmattayo iti naabante nga edukasion, autopsia, wenno panangpapatay gapu iti panangidepensa iti bagi? Masarakanyo dagita a reperensia idiay sidong iti subpaulo nga “attitude toward--.” Nainayon pay a nailista iti moderno nga historia dagiti Saksi ni Jehova iti nagduduma a pagilian, ken ti maysa a nawadwad a listaan dagiti komento maipapan kadatayo a masarakan idiay babaen ti “Statements by Others.”
4 Idiay babaen iti paulo a “Dates,” adda naisentro a paulo a “Clarification of Beliefs.” Nailanad sadiay iti reperensia a maipaay kadagiti kangrunaan a pananglawlawag iti pannakaawattayo kadagiti doktrina ken padto a nagsasaganad iti tinawentawen. Simmaganad met iti “Dates of Prophetic Significance,” a nailista sadiay dagiti tawtawen a kaitungpalan dagiti padto.
5 Ti estoria iti kabibiag dagiti matalek nga adipen ni Jehova isut’ tumulong met kadatayo a mangisaad iti solido a pundasion dagiti annak ken estudiantetayo iti Biblia. Masarakanyo dagitoy a nakalista iti nagan ken artikulo a napauluan iti “Life Stories of Jehovah’s Witnesses.”
6 Ti maysa nga uniko wenno nagpaiduma kadagiti tattao ni Jehova isu daydiay Nainkasuratan a sursuro maipapan iti dua a destino nga agpaay kadagiti inanamongan ni Jehova—ti maysa a nailangitan ken maysa a naindagaan. Dagiti reperensia nga agpaay iti “nailangitan nga ayab” isut’ masarakan iti babaen ti “Congregation of God.” (Heb. 3:1; Ara. 20:28; 1 Tim. 3:15) Dagiti sabali pay a paulo isudat’ “Remnant” ken “144,000.” Dagiti dua a paulo, “Great Crowd” ken “Other Sheep,” isudat’ agpaay iti naindagaan a namnama.—Apoc. 7:9; Juan 10:16.
7 Agtutubokayo man wenno nataengan, ti pribilehio a kas maysa a Saksi ni Jehova ket saklawenna iti kada aspekto ti biag. Kadagiti masanguanan nga artikulo iti Ti Ministeriotayo iti Pagarian ipakitada no kasano a ti Index ket makatulong kadatayo iti ministeriotayo, iti pamilia, ken iti kongregasion.