No Kasano a ti Index Gunggonaanna iti Pamilia
1 Maipapan kadagiti miembro ti pamilia, ti 1 Timoteo 5:4 kunaenna: “Palubosan koma a maadal dagitoy nga umuna iti nadiosan a debosion iti mismo a sangakabalayanda.” Wen, ti panangalagad iti nadiosan a debosion iti mismo a pamilia isut’ banag a masapul a maadal. Iti daytoy kasapulan iti nadibinuan a giya. Ti Watch Tower Publications Index isut’ tumulong kadatayo a mangsarak iti giya nga agpaay iti biag ti pamilia.
2 Pangpanggepenyo kadin a serioso iti panagasawa? Idiay baba iti paulo a “Marriage,” masarakanyo iti subpaulo a “selecting a mate” wenno panangipili iti kasimpungalan. Ti reperensia iturongnakayo iti makatulong a pammagbaga iti daytoy. Ti Index ket addaan met kadagiti subtema a “husband’s role” wenno papel iti asawa a lalaki ken “wife’s role” wenno papel iti asawa a babai, a dagitoy ti makagunggona kadagiti kasadon. Mainayon pay, dagiti subpaulo a “communication” wenno komunikasion, “closeness in” wenno kinadekket, ken “peace” wenno talna isudat’ mangitudo iti material a mangpabaknang iti panagasawa. No tumaud dagiti problema, ti subtema a “problems in” wenno pagproblemaan iturongnakayo iti balakad no kasano a masolbar dagitoy.
3 Kasano a mapatanor dagiti nagannak dagiti annakda “iti disiplina ken makaiturong iti panunot ni Jehova”? (Efe. 6:4) Dagiti makatulong a balakad ken singasing isudat’ masarakan iti Index kadagiti paulo nga “Children” ken “Youths.” Ken kasano met maipapan iti panangimula kadagiti linteg ni Jehova iti puso dagiti agtutubo? Ti paulo nga “Child Training” iturongnakayo iti material ti kada aspekto iti panangtaraken ti ubbing, agraman no kasano a matulonganda a mangpatanor iti personal a relasionda ken Jehova ken matubayda nga aggartem iti kinapudno.—1 Ped. 2:2.
4 Ti napamiliaan a diskusion iti Biblia isut’ nasken a maipaay iti balligi ti pamilia. (Deut. 6:6-9; Isa. 54:13; Efe. 5:25, 26) Dagiti reperensia no kasano a maaramid dagitoy a narayray isudat’ masarakan iti baba ti paulo a “Families.” Iti agdama nga Index, ti subpaulo a “Bible study” isut’ mangsaklaw kadagiti punto a “making it effective” ken “making it enjoyable” wenno panangaramid nga epektibo ken makaay-ayo. Kasta met, apay a dikay usigen iti sagpaminsan dagiti estoria ti biag dagiti Saksi ni Jehova? Iti sidong ti “Full-Time Ministry,” maiturongkayo kadagiti estoria ti biag a kas iti natituluan ti “A Choice I’ve Never Regretted” ken “Receiving the Requests of My Heart.” Ti kompleto a listaan isut’ masarakan iti baba ti “Life Stories of Jehovah’s Witnesses.”
5 Sapay koma ta ti Index ket tulongannakayo a mangsarak iti dakkel a ragsak a mangtungpal iti pagrebbenganyo iti uneg ti pamilia.