Gimong a Mangtulong Kadatayo nga Agaramid Adalan
LAWAS TI MARSO 11-17
10 min: Lokal nga anunsio ken Dagiti Pakaammo manipud Ti Ministeriotayo iti Pagarian.
15 min: “Raemen ni Jesu-Kristo—Ti Pundasion iti Pammatitayo.” Saludsod ken sungbat a diskusion.
10 min: Agplanokayo a Maipaay iti Auxiliary Payunir a Serbisio iti Abril ken Mayo. Makaparegta a palawag agraman makatulong nga impormasion a maipaay kadagidiay agngayangay a payunir bayat iti Abril ken Mayo. Madakamat iti paset idiay Dagiti Pakaammo maipapan iti auxiliary payunir a trabaho. Mailawlawag no ania dagiti urnos nga aramiden ti kongregasion a tumulong kadagidiay agpayunir kadagitoy a bulan. Maadda koma ti aplikasion iti auxiliary payunir a nakasagana a mausar.
10 min: Lokal a kasapulan wenno palawag iti “Apay a Suroten ti Kinalinteg?” iti Ti Pagwanawanan, Oktubre 15, 1990, pinanid 26-9.
Kanta 20 ken pangserra a kararag.
LAWAS TI MARSO 18-24
10 min: Lokal nga anunsio. Report iti kuenta ken subalit iti donasion.
15 min: “Memorial—Ti Kristiano a Selebrasion.” Saludsod ken sungbat. Kalpasan ti parapo 6, maidemostra iti ababa ti panangsarungkar kadagiti malagip a naawis iti napalabas, kalpasanna masaludsod iti kongregasion no kasanoda nga iplano ti panangawis kadagiti agdadamo iti Memorial ken tulongan ida a tumabuno. Mapalagipan ti kongregasion nga adda maala a naimaldit nga imbitasion.
20 min: Makiramankayo iti Sangaglobo a Rag-o Babaen ti Panagkuna ti “Umayka!” Palawag ken kapadasan a naibasar iti artikulo idiay pinanid 3-7 iti Enero 1, 1991 a Pagwanawanan. Mairaman dagiti ebkas ken kapadasan manipud kadagiti nagaget a lokal nga agibumbunannag, a mangiyanninag iti kasta a rag-o.
Kanta 211 ken pangserra a kararag.
LAWAS TI MARSO 25-31
12 min: Lokal nga anunsio ken diskusion iti “Saludsod.”
15 min: “Panangtungpal iti Ministeriotayo iti Pagarian kas Saksi ni Jehova.” Palawag ti maysa a panglakayen, a maidemostra ti panangusar iti paspaset ti Index a nadakamat.
18 min: “Panangiparang ti Naimbag a Damag—Babaen ti Panangitukon a Situtured iti Suskripsion.” Saludsod ken sungbat. Kalpasan iti parapo 4, maidemostra iti tukon a suskripsion.
Kanta 130 ken pangserra a kararag.
LAWAS TI ABRIL 1-7
10 min: Lokal nga anunsio ken Teokratiko a Damdamag.
20 min: Kasano ti Panagtalinaedtayo a Nabileg? Interbio a pangilawlawag iti kasapulan a panagtalinaed a nabileg ken saan a mabannog. (1) Mainterbio iti dua a nagserbin iti adu a tawtawen ken naimbag a paguadan. Ania dagiti nanglapped kadakuada a mangasaba a napadasanda ngem naparukmada? Ania ti timmulong kadakuada a nagtultuloy a napigsa ken saanda a nauma? (Mabalin a madakamat iti kararag, regular a pannakigimong, personal a panagadal, pammaregta manipud iti dadduma, kdp.) Kasanoda a nasalimetmetan iti espiritual a kinatimbang? (Mabalin a madakamat iti tulong dagiti panglakayen, pananguna iti espiritual a bambanag iti biag, kararag, kdp.) (2) Interbio iti sumagmamano nga agtutubo a regular nga agibumbunannag ken naimbag a pagulidanan. Ania ti timmulong kadakuada a nagregular? Kasano ti panangtulong dagiti nagannakda? Naparegtada aya babaen dagiti sabsabali nga agibumbunannag a nangkuyog kadakuada idiay tay-ak ti serbisio? Ania dagiti kalatda iti serbisio ni Jehova? Maingudo babaen iti ababa a repaso kadagiti nairuar a punto.
15 min: Palawag iti “‘Agtultuloy a Mabaliwan.’” manipud ti Pagwanawanan a Nobiembre 1, 1990, pinanid 29-31.
Kanta 63 ken pangserra a kararag.