Saludsod

● No ti maysa nga agibumbunannag ket umakar iti sabali a lugar, ania ti masapul nga aramiden a pangtulong iti iyaakarna iti maysa a baro a kongregasion?

Apaman a sumangpet iti maysa nga agibumbunannag manipud iti sabali a kongregasion, ti sekretario iti kongregasion ti masapul a mangala manipud iti agibumbunannag iti nagan ti dati a kongregasion ken iti nagan ken direksion ti sekretario iti dayta a kongregasion. Masapul ngarud a suratanna dayta a sekretario, a kiddawenna iti Publisher Record card ken ti maysa a surat a mangiyam-ammo. Ti sekretario a makaawat iti daytoy a kiddaw ti madagdagus nga agsubalit nga awanan taktak.—Kitaenyo ti Organisado a Mangitungpal iti Ministeriotayo, pinanid 104-5.

Ti agibumbunannag a nakaplano nga umakar isut’ makatulong babaen ti panangsigurona nga adda kenkuana iti umiso a nagan ti kongregasion a panawanna ken iti nagan ken direksion ti sekretario. Kalpasanna, apaman a makasangpet iti baro a kongregasion, daytoy nga impormasion ti mabalinna nga ited iti sekretario sadiay tapno agtignay a madagdagus. Dagiti report ti serbisio a maiyawat iti baro a kongregasion isudat’ matengngel pay laeng agingga a maawat iti rekord kard. Kalpasan a maawat daytoy mabalinen nga ilanad iti aktibidad ti agibumbunannag idiay rekord kard ken mairamanen iti sumaruno a report ti kongregasion iti sumaganad a bulan.

Iti dadduma a kaso mabalin a siguden nga ammon ti agibumbunannag iti nagan ken direksion ti sekretario iti kongregasion a papananna. No kasta, saanen a kasapulan kadagiti panglakayen ti aguray iti kiddaw. Ti rekord iti aktibidad ti agibumbunannag ken surat iti panangiyam-ammo ti madagdagus a maikoreo iti sekretario daydiay kongregasion a pakitimpuyoganen ti agibumbunannag.