Panangtungpal iti Ministeriotayo ti Pagarian iti Tay-ak
1 Babaen ti nalaing a panangaramat iti kinapudno, mabalintayo a dupraken iti “panagrasrason ken tunggal nangato a banag a naisangrat a pangbusor iti pannakaammo iti Dios.” (2 Cor. 10:5) Ti Watch Tower Publications Index isut’ nadisenio a tumulong kadatayo iti daytoy a banag.
2 Ti kangrunaan a paulo a reperensia maipapan iti trabahotayo a panangasaba isut’ “Field Ministry.” Tunggal benneg isut’ nasaklaw sadiay, agraman iti personal a kababalin, introduksion, panangparukma iti pangontra, panagsarungkar, ken panagadal iti Biblia. Kayatyo kadi nga iyilustrar ti maysa a punto agraman iti dua a naimbag a kapadasan? Masarakanyo dagitoy a kasapulanyo iti sidong ti paulo nga “Experiences.”
3 Adda aya kimmontra a kunaenna a ti Biblia ket suppiatenna iti bagbagina, a nalabit ket nangisitar iti masinnunuo a bersikulo a kasla pudno nga agsuppiatda? Idiay baba ti “Bible Authenticity,” iti subtema a “contradictions” ken “harmony” iturongda iti diskusion maipapan daytoy a pangontra. Iti babaen ti subpaulo nga “scriptures harmonized,” masarakanyo iti listaan dagiti tunggal bersikulo a kasla agparang nga agkokontra ken dagiti reperensia a mangilawlawag kadakuada a sibabatad.
4 Masansan a madupraktayo dagiti panagrasrason maipapan iti Trinidad, impierno, ken ti imortalidad iti kararua. Adda dagiti kangrunaan a paulo iti kada maysa kadagitoy. Idiay baba iti “Trinity” ken “Immortality of the Soul,” masarakanyo dagiti subtema nga “scriptures misapplied to support.” Iturongnakayo daytoy iti diskusion dagiti tunggal teksto. Maysa nga umasping a paset ti masarakan iti sidong ti “Hell,” agraman iti subpaulo nga “scriptures misinterpreted.”
5 Tarigagayyo kadi ti makairugi iti panagadal ti Biblia? Wenno addaankayon iti maysa ngem saan a naprogreso? Iti baba ti paulo a “Bible studies” agminar dagiti subtema nga “starting,” “assisting—,” ken “teaching,” a kada maysa kadagitoy a reperensia ket tumulong kadakayo a mangsarak ken mangikondukta kadagiti naprogreso a panagadal ti Biblia. Tapno matulongankayo a mangammo no kaano ti kasayaatan a panangisardeng iti maysa a panagadal, usigenyo dagiti subtema a “terminating unfruitful” ken “discontinuing.”
6 Kayatyo aya a maragpat dagiti dadduma pay a pribilehio iti tay-ak ti ministerio? Dagiti paulo nga “Full-Time Ministry,” “Auxiliary Pioneers,” “Pioneers,” “Missionaries,” ken “Serving Where Need is Greater” iturongdakayo iti material no kasano a maragpat dagitoy a kalat ken mapadasanyo iti kapadasan dagidiay a nakaaramiden iti dayta.
7 Ti panangtungpal iti ministeriotayo ti Pagarian idiay tay-ak isut’ mangyeg iti dakkel a pannakapnek. (Juan 4:34) Ti Index isut’ tumulong kadakayo bayat a makipasetkayo iti daytoy naragsak a trabaho.