Sanayem ta Bagim a Buyogen iti Nadiosan a Debosion a kas Kalatmo
1 Ti Teokratiko a Pagadalan iti Ministerio isut’ progreso a mangsanay kadatayo a ‘mangaramat iti sao ti kinapudno iti umiso.’ (2 Tim. 2:15) Nakitimpuyogkayon aya? No saan pay ngem kabaelanyo, apay a dikay pagunggonaan babaen iti panagpalistayo?
2 Ti maysa a napateg a paset iti pagadalan isu daydiay linawas a panagbasa ti Biblia a programa. Iti personal nga iskediol ti panagadalyo masapul a mairaman iti panagbasa ti naituding a kapitulo tapno inton agtanoy nabasayon iti intero a Biblia.
3 Mangrugi iti 1993 nga iskediol ti pagadalan, daytoy panagbasa iti Biblia a saklawen ti Talk No. 2 isut’ mabasa nga intero nga awan pannakasingana. Kaipapananna a ti estudiante a mangitakder iti daytoy ket mangted laeng ti pangilawlawag nga impormasion idiay rugi ken ngudo. Ti kabsat a natudingan kadagiti lawag iti Biblia ti masapul a kednganna laeng iti agkomento kadagiti bersikulo a naipaset idiay Talk No. 2 tapno ti ispiker iti dayta a palawag ket naan-anay a maputarna ti impormasionna iti panagbasa ti Biblia.
4 Markaan ti manangaywan iti pagadalan ti Speech Counsel slip dagidiay a mangted kadagiti Talk No. 2, 3, ken 4. Saan a kasapulan a surotenna iti panagsasaganad idiay counsel slip ngem mabalinna nga itukon ti balakad kadagiti puntos a kasapulan a parang-ayen dagiti estudiante. Saan a kasapulan a markaan iti counsel slip ti ispiker a mangted iti Assignment No. 1, nupay maited ti pribada a pammagbaga no kasapulan.
5 Amin a makabael ti masapul a mangala iti naan-anay a bentahe ti panagsanay nga itukon daytoy Teokratiko a Pagadalan iti Ministerio. Ti kasta a panagsanay ti mangiturong iti mas nabunga a ministerio.—1 Tim. 4:7.