Saludsod

◼ Mabalintayo kadi ti agtelepono iti Sosiedad tapno gumun-od ti sungbat dagiti saludsod iti Biblia wenno personal a balakad?

Adu a tattao ti mangusar iti telepono tapno maaramidda a sidadaras dagiti bambanag, ngem masansan nga adda nasnasken ngem ti kinapardas. Iti daytoy a lubong gagangay ti pananguna iti personal a pagnam-ayan; a liklikan dagiti tattao ti panagbannog.

Anian a maisupadi a masarakam iti pammalakad ti Dios! Kiddawenna kadatayo a sapulen iti pannakaammo a kas naitalimeng a gameng, nga ipasimudaagna ti panagbannogtayo. Patalgedan iti kapadasan a ti panangaramid a kasta ket agresulta iti mas manayon a pannakapnek.​—Prov. 2:1-4.

Ti kasta a panagregget isut’ rumbeng no tumaud iti saludsod bayat nga agsaganatayo ti gimong wenno mapasanguantayo iti problema. Imbes nga agteleponotayo iti Sosiedad, magunggonaantayo no agsukimattayo a mismo manipud ti Biblia ken kadagiti publikasiontayo, nangruna iti Watch Tower Publications Index.

Kalpasan ngarud a ‘nasarakan a kas nailemmeng a gameng,’ mabalin nga asitgan dagiti lokal a panglakayen no kaskasdi a kasapulantayo ti tulongda. Addaan dagiti panglakayen ti kapadasan iti panagsukimat ti impormasion. Ti natimbang a tulongda isut’ nangruna a maiparbeng no kasapulan iti balakad maipapan ti personal a problema wenno desision, ta isuda ti asideg kadatayo ken iti sasaadentayo.​—Maidilig iti Aramid 8:30, 31.

No kaskasdi a kasapulan pay iti ad-adu nga impormasion a diretso manipud ti Sosiedad, nasaysayaat iti mangipatulod ti surat. Dayta a surat ti mangipalubos iti tiempo a maipaay ti sungbat a naibasar iti umdas a panagsukimat, a masansan nga imposible babaen ti panagtelepono.