Usaren Dagiti Tract a Mangiyammo iti Kantan-okan a Tao a Libro
1 Bayat ti bulan iti Hulio, adu nga agibumbunannag ti mangusar iti tract a mangtignay ti interes iti libro a Ti Katan-okan a Tao a Nagbiag Pay Laeng. Dagiti sumaruno a singasing ti makatulong a mangaramid iti daytoy.
2 Daytoy Kadi a Lubong Makalasatto? Dagiti tract ti makaawis iti asikaso dagiti bumalay agsipud ta dakamaten dagitoy dagiti suheto a mangapektar a personal kadakuada.
Kas pangarigan, mabalinyo a kunaen iti kapada daytoy:
◼ “Iti pannakisaomi kadagiti tattao, nadlawmi nga adu ti mangibaga a maseknanda maipapan ti . . . [pilien dagiti agdama a pasamak iti pagiwarnak]. Gapu iti agdama a kasasaad ti lubong, agpangadua dagiti dadduma no daytoy a lubong ket makalasat pay. Kasano ti mariknayo maipapan iti dayta? [Palubosan ti bumalay a sumungbat.] Adda banag a makaparegta a nabasak iti daytoy a tract a kayatko a mairanud kadakayo. [Ipaiggenyo iti bumalay ti tract a Daytoy Kadi a Lubong Makalasatto? bayat nga adda kapadana a tract iti imayo.] Siputanyo no kasano ti panangipadto ni Jesus nga . . . ” Basaen manipud iti maysa a parapo idiay panid 4 wenno 5 maipapan ti agdama a pasamak a nadakamat iti introduksion. Kalpasanna iturong iti kanayonan a pakaammo ti padto ni Jesus idiay kapitulo 111 iti Katan-okan a Tao a libro. Sakbay nga agpakadakayo, siguruenyo ti mamataud iti saludsod a malawagan inton agsublikayo.
3 Biag iti Maysa a Natalna a Baro a Lubong: Ania ti kaipapananna kadakayo iti panagbiag idiay maysa a natalna a baro a lubong? Kaaduanna, mapanunot dagiti tattao ti nakaay-ayat a buya dagiti nalitnaw a karayan ken natalna a kabambantayan, agraman napipintas nga animal nga agbibiag a sitatalna a sangsangkamaysa. Dagidiay a marigatan iti daytoy agdama a kasasaad daytoy lubong ti makasarak a makabang-ar iti namnama a maipaay idiay maysa a natalna a baro a lubong.
4 Nakasaganakayo kadi a mangitukon iti banag a makabang-ar ken pagragsakan dagiti kaaruba, katrabaho, ken dagidiay a masabetyo iti panagbalaybalay?
No usaren iti tract a “Biag iti Maysa a Natalna a Baro a Lubong,” mabalinyo a kunaen iti kaasping daytoy:
◼ “Ti pagarupyo mabalin pay ngata nga agbiag dagiti tattao iti talna kas ipakita ti akkub daytoy a tract? [Palubosan ti bumalay a sumungbat.] Pangaasiyo ta kitaenyo ti maudi a sentensia iti umuna a parapo ti panid 2. Isaludsodna: ‘Ngem maysa laeng kadi daytoy a tagtagainep, wennno arapaap, a patien dagitoy a kasasaad a maadda ditoy daga?’ [Kalpasanna basaen ti sumaruno a parapo iti tract.] Dayta a kotasion maipapan ti baro a langit ken maysa a baro a daga isut’ naadaw iti Biblia, ti 2 Pedro 3:13. No nalakayo a mairuar ti Bibliayo, mabalintayo a basaen iti Salmo 104:5 tapno maadal pay ti ad-adu maipapan iti masanguanan ti daga.” No daytoy tao ket ipakitana ti interes, iturongyo idiay Katan-okan a Tao a libro, iti kapituio 133.
5 Ti kanayonan a sarungkar isut’ masapul a maaramid tapno ‘masibugan’ iti bukel a naimula. (1 Cor. 3:6, 7) Ti artikulo iti baba maisingasingna no kasano a mairugi ti panagadal iti Katan-okan a Tao a libro.