Panangirugi iti Panagadal ti Biblia iti Katan-okan a Tao a Libro
1 Awan ti pakaiyaspinganna iti rag-o ti panangiraman iti pannakaammo kadagiti dadduma babaen ti panagadal iti Biblia ti pagtaenganda.—Prov. 11:25.
2 Pagilasinan iti Maudi nga Al-aldaw: No usarenyo ti singasing iti makinngato nga artikulo babaen ti tract a Daytoy Kadi a Lubong Makalasatto?, kasanoyo ita nga irugi iti panagadal ti Katan-okan a Tao a libro? Luktanyo ti libro iti kapitulo 111, ken basaenyo ti umuna a tallo a parapo. Mabalinyo nga isaludsod iti umuna a saludsod idiay ngudo ti kapitulo: “Aniat’ nangtignay ti saludsod dagiti apostol, ngem kaawatan nga aniat’ adda pay iti is-isipda?” Tulongan ti bumalay nga agrason iti sungbat, nga usaren ti ilustrasion a pangisuro. Kalpasan a mabasa iti kuatro aginggat’ sais, isaludsod ti maikadua a saludsod: “Ania a paset ti padto ni Jesus ti natungpal idi 70 K.P., ngem aniat’ saan a natungpal idi?” No ti bumalay ket agminar nga interesado ken adda tiempona, maituloy ti diskusionyo.
3 No ti bumalay ket kupado iti dayta a tiempo, mabalinyo nga isaludsod: “Kayatyo kadi a maammuan pay iti ad-adu maipapan no kaano ti panungpalan iti sistema dagiti bambanag?” Iti dayta mabalinyo nga iyurnos ti panagsarungkar tapno masungbatan iti saludsod.
4 Posible Kadi iti Natalna a Lubong? No usarenyo ti tract a Biag iti Maysa a Natalna a Baro a Lubong a mangiturong iti Katan-okan a Tao a libro, kasano a ti kapitulo 133 ket makatulong a mangirugi iti panagadal ti Biblia?
Kalpasan a mabasa ti 2 Pedro 3:13, mabalinyo a basaen wenno sumariaen iti maikadua a parapo ti panid 3 iti tract sayo kunaen:
◼ “Ni Kristo Jesus isut’ Ari iti Pagarian ni Jehova. Siputanyo no kasano a daytoy libro a Ti Katan-okan a Tao a Nagbiag Pay Laeng ket iladawanna ni Jesus ken ibagana kadatayo no ania ti ibanagna iti masanguanan.” Kalpasanna basaen iti intero a kapitulo. Isaludsod iti bumalay ti umuna a saludsod iti ngudo ti kapitulo: “‘Anianto ti naragsak a pribilehio dagiti makalasat ti Armagedon ken dagiti annakda?’ [Palubosan a sumungbat.] Kayatyo kadi a maysakayo a paset dayta baro a daga a pagturayan ni Jesus kas Ari? Kayatko a gundawayan ti linawas a panangtulong kadakayo a kumita manipud iti Biblia no kasano a daytoy ket posible.”
5 Adda dadduma a mabalin nga interesado met ti mainayon a diskusion maipapan ken Jesu-Kristo iti daytoy a sarungkar:
Mabalinyo a kunaen:
◼ “Daytoy a libro ti mangidatag iti naindagaan a biag ni Jesus kas naisalaysay kadagiti uppat nga Ebanghelio. Kayatyo kadi a maadal ti ad-adu pay maipapan iti daytoy?” No ti bumalay ket umanamong, mabalinyo nga ilawlawag iti umuna kadagiti milagro ni Jesus, idiay kapitulo 15.
6 Pudno unay, ti panangitukon a mairanud iti sursuro ni Kristo Jesus babaen ti panagadal iti Biblia isut’ makagunggona unay a pagbannogan.