Adalen ti Agbiag nga Agnanayon ken Nagkaykaysa a Panagdayaw a Libro
1 Dagiti tract, broshur, magasina, ken libro—amin dagitoy ti mabalin a mausar a pangirubbuat kadagiti panagadal ti Biblia iti pagtaengan dagiti interesado a tattao. Gapu iti nalawa a pannakaiwaras ken apelona, ti libro a Ti Katan-okan a Tao a Nagbiag Pay Laeng isut’ nausar a nangirugi kadagiti panagadal.
2 Nupay kasta, adda dua a libro a nangruna a maiyadal kadagiti agdadamo a tumulong kadakuada a mangawat iti pamunganayan a doktrina ti Biblia agraman dagiti Kristiano a pagalagadan iti panagbiag. Isu dagitoy: Mabalinyo ti Agbiag nga Agnanayon iti Paraiso a Daga ken Nagkaykaysa iti Panagdayaw iti Maymaysa a Pudno a Dios. Mairekomenda nga apaman a mabalin, dagidiay mangidadaulo iti panagadal ti Biblia iti pagtaengan babaen ti sabsabali a publikasion ket maiyallatiw kadagitoy a libro. Agtultuloy iti panagadal ti Biblia agingga a makompleto dagiti libro nga Agbiag nga Agnanayon ken Nagkaykaysa iti Panagdayaw, nupay ti maysa a tao ket nabautisaranen sakbay a mairingpas ti maikadua a libro. Daytoy nga wagas ti mangted iti mainayon a rukod ti nauneg ken natibker nga espiritualidad iti estudiante ti Biblia.