Panangidaulo iti Panagadal ti Biblia iti Pagtaengan
1 Kasano a maidaulo iti epektibo a panagadal ti Biblia iti pagtaengan? Kasano a mausig dagiti kasuratan? Siasino ti agbasa kadagiti parapo? Kasanotayo a tulongan ti estudiante a mangtagikua iti kinapudno? Ania dagiti palab-og a liklikan?
2 No Kasano a Maidaulo iti Panagadal: Kaaduan a panao, ti panagadal iti Biblia ti pagtaengan surotenna iti padron ti Panagadal iti Pagwanawanan. Umuna, mabasa ti parapo. Kalpasanna ti mangidaulo iti panagadal iyimtuodna ti saludsod iti dayta a parapo ken palubosanna ti estudiante a sumungbat. No agkitakit ti estudiante, mangipaay ti konduktor iti makaiturong a salsaludsod a tumulong iti estudiante nga agrason idiay suheto ken makagteng iti umiso a konklusion.
3 Mausig no kasano a maiyaplikar dagiti kasuratan iti material. Ipakita iti estudiante dagiti nakotar a kasuratan, ken makirinnason kenkuana no kasanoda nga agaplikar. No ti kasuratan a naisitar ket saan a nakotar, nasayaat no kitaen ida manipud iti Biblia. Kalpasanna pabasa iti estudiante ken komentuan no kasano a suportaranda no ania ti nasao iti parapo.
4 Tulongan ti Estudiante a Mangtagikua iti Kinapudno: Paregtaen dagiti estudiante nga agsagana a naimbag sakbay ti panagadal. Maigunamgunam a ti panagbasa ket nasken iti panagadal. Dadduma kadagiti konduktor ti mangpabasa iti estudiante kadagiti amin a parapo. Dagiti dadduma ti makisinnublat iti estudiante ti panangbasa kadakuada. Mausar ti umiso a panangtingiting, nga adda iti panunot ti espiritual a panagabante iti estudiante.
5 Ti panangkobre iti material a maadal nga agsasaruno ngem awanan ti praktikal nga aplikasion ti mabalin a tumulong iti estudiante a makaammo, ngem patienna ngata ti maad-adalna? Tapno matagikuana ti kinapudno, saludsodan no kasano a ti material ket apektaranna iti mismo a bagina. Kasanona nga usaren ti naadalna? Dakamaten dagiti mangsukisok a salsaludsod tapno madanon ti puso iti estudiante.
6 Liklikan Dagiti Palab-og: Adda dagiti palab-og a liklikan no maidaulo iti panagadal ti Biblia. No adda lumtuad a suheto a saan a nainaig iti material a maad-adal, masansan a kasayaatan no mausig dagita idiay ngudo iti panagadal wenno inton sumaruno nga okasion. Kasta met, nasken unay a ti estudiante ket itedna dagiti sungbatna iti bukodna a sasao imbes a basaenna manipud ti libro. Daytoy ti tumulong kadakayo a kas konduktor a mangeddeng no ti estudiante ket maaw-awatanna met laeng ti material.
7 Apay a dikay aramiden a kalat ti mangidaulo iti uray maysa laeng a panagadal ti Biblia? Saan a narigat daytoy no agpannuraykayo ken Jehova ken surotenyo iti pagtuladan a wagas ti Panagadal iti Pagwanawanan. Ti kaepektibuan a wagas iti panagaramid ti disipulo isut’ panangidaulo iti panagadal ti Biblia iti pagtaengan.—Mat. 28:19, 20.