Gimong ti Serbisio iti Nobiembre
Lawas ti Nobiembre 8-14
10 min: Lokal nga anunsio ken Dagiti Pakaammo manipud iti Ti Ministeriotayo iti Pagarian. Maisingasing no kasano a mausar dagiti agdama a magasina iti lokal a teritoria. Maigunamgunam ti importansia iti panagsarungkar kadagiti amin a maipaima a magasina a buyogen ti panggep a maipasdek iti ruta ti magasina. No dagiti bumalay ket pudnoda nga interesado, maitukon ti suskripsion.
15 min: “Tulongan iti Dadduma a Mangbigbig iti Dakkel a Gameng.” Saludsod ken sungbat a panangkobre. Paregtaen dagiti amin a mangitukon ti Agbiag nga Agnanayon a libro a sirarayray bayat iti Nobiembre ken ikagumaan a mairugi dagiti panagadal ti Biblia. Mapagsaritaan dagiti nagduduma nga iyaasideg a naisingasing iti artikulo. No mausig ti parapo 4, idemostra ti maysa nga agibumbunannag iti tukon nga Agbiag nga Agnanayon a libro iti maysa a naganak nga usaren ti naisingasing a panangiparang.
20 min: “Raraemenyo Kadi ti Lugar a Pagdaydayawanyo?” Palawag ti panglakayen a naibasar iti artikulo ti Hunio 15, 1993, a Pagwanawanan. Maiyaplikar ti salaysay iti lokal a sirkumstansia. No adda masinunuo a problema a madakamat, nataktikaan a maited ti maiparbeng a balakad.
Kanta 42 ken pangserra a kararag.
Lawas ti Nobiembre 15-21
10 min: Lokal nga anunsio. Report iti kuenta. Mabasa ti subalit dagiti kontribusion, ken komendaran ti kongregasion iti nabuslon a suportar iti sangalubongan a trabaho agraman panangasikaso iti lokal a kasapulan ti kongregasion. Mairepaso ti ababa iti urnos ti serbisio iti tay-ak a maipaay ti lawas, ken maiyebkas ti panangipateg iti naregta a suportar dagiti agibumbunannag.
15 min: “Agbalinkayo nga Auxiliary Payunir iti Disiembre.” Sibabara ken sirarayray a panangwanas iti material babaen ti saludsod ken sungbat. Maiyanunsio ti lokal nga urnos a maipaay iti serbisio ti tay-ak ken espesial nga urnos a maaramid a maipaay iti grupo a panangasaba inton Disiembre. Masaludsodan ti sumagmamano a nag-auxiliary payunir iti napalabas ken nakaplano manen inton Disiembre. Kiddawen kadagiti nakaplano nga auxiliary payunir iti sumaruno a bulan nga itayagda ti imada. Mabalin a mamaregta daytoy iti dadduma a makikuyog kadakuada.
20 min: “Ti Nadiosan a Sursuro Mangyeg iti Nabileg nga Impluensia.” Saludsod ken sungbat a panangkobre iti artikulo. Basaen dagiti parapo ken naisitar a kasuratan kas ipalubos ti tiempo. Palubosan ti ababa a komento a mangiyebkas iti personal a panangipateg kadagiti gunggona a naawat manipud itatabuno ti kombension, asamblea iti sirkito, ken espesial nga aldaw ti asamblea, a nalabit a mainterbio dagiti sumagmamano iti kongregasion a ti panagbiagda ket naimpluensiaan iti kinaimbag babaen ti nadiosan a sursuro.
Kanta 44 ken pangserra a kararag.
Lawas ti Nobiembre 22-28
5 min: Lokal nga anunsio. Teokratiko a Damdamag. Palagipan dagidiay agpangpanggep nga ag-auxiliary payunir iti Disiembre a masapul nga itedda dagiti aplikasionda iti daytoy lawas sakbay nga agngudo ti Nobiembre.
15 min: “Agbalinkayo nga Amin-a-Kararua iti Serbisioyo.” Saludsod ken sungbat. No pagsaritaan iti parapo 2, maaramid ti maitutop a komento iti reperensia manipud Disiembre 1, 1992 a Pagwanawanan, a maited ti kanayonan a panangilawlawag maipapan iti kaipapanan ti apagkapullo kadagitoy nga aldaw. Basaen ken iyaplikar ti Malakias 3:10 iti konklusion.
15 min: “Siraragsak a Panagsubli a Tumulong Kadagiti Interesado a Tattao.” Diskusion iti timmabuno ken dagiti demostrasion. Maipaganetget ti panagkasapulan iti maidulin a naimbag a rekord dagiti interes. Kas masarakan iti parapo 3-5, maiyurnos ti dua a demostrasion. Dagitoy ti mangiyaninag kadagiti lokal a sirkumstansia ken panangitutop kas kasapulan.
10 min: Lokal a kasapulan wenno makatignay a palawag iti “Dagiti Immuna a Kristiano ken ti Lubong,” a naibatay iti umuna nga artikulo ti Hulio 1, 1993, a ruar iti Ti Pagwanawanan. Mailawlawag ti kasapulantayo ita a tumulad iti ehemplo dagiti immuna a Kristiano.
Kanta 60 ken pangserra a kararag.
Lawas ti Nob. 29–Dis. 5
10 min: Lokal nga anunsio. Mairaman ti urnos iti serbisio ti tay-ak iti lawas, ken maiyawis ti asikaso kadagiti puntos iti agdama a magasina a mausar dagiti agibumbunannag idiay tay-ak ti serbisio iti masanguanan nga aldaw. No ipalubos iti tiempo, idemostra ti apagbiit iti maysa wenno dua a panangiparang a maitutop idiay lokal a teritoria. Maited ti palagip iti kasapulan a panagsarungkar iti amin a nangipakita ti interes.
15 min: Panangiparang iti New World Translation ken Ti Biblia—Saot’ Dios wenno iti Tao? bayat ti Disiembre. Palawag ken demostrasion. Repasuen iti lawag ti material iti “New World Translation” idiay Panakirinnason a libro, pinanid 255-9. Kalpasanna maidemostra no kasano a ti maikadua a singasing iti panid 10 ti Panakirinnason a libro iti baba ti “Biblia/Dios” ket mausar a makisao iti bumalay bayat ti Disiembre.
20 min: “Panangidaulo iti Panagadal ti Biblia iti Pagtaengan.” Saludsod ken sungbat a panangwanas iti artikulo. Maiparang ti naimbag iti pannakasanayna a demostrasion ti agibumbunannag a tumulong iti estudiante a mangawat no kasano a ti naisitar a kasuratan ket suportaranna iti pakaammo idiay parapo a maus-usig. Iti isu met laeng a demostrasion usaren ti agibumbunannag iti kanayonan a salsaludsod a tumulong iti estudiante a mangtagikua ti kinapudno. Usaren dagiti napili a benneg iti Nagkaykaysa iti Panagdayaw wenno Agbiag nga Agnanayon a libro.
Kanta 78 ken pangserra a kararag.