Ti Pateg iti Biblia Ditoy Agdama a Lubong
1 Adu kadagitoy nga aldaw ti mangmatmat iti Biblia a di naintiempuan ken napudno. Bayat nga isut’ kalawaan ti pannakaiwarasna a libro iti amin a historia, manmano ti bumasa kenkuana ken lalo a basbassit iti sumurot ti panangiturongna.
2 Maisupadi, patgentayo ti Biblia a kas Sao iti Dios. Ti kinapudno ipakitana nga umiso iti historiana. Mainayon pay, ti nagpaiduma a panagtutunosna, dagiti padtona, ken ti kaadda iti nabileg a makatignay a puersana iti biag dagiti tattao, amin dagitoy ti mangidemostra a ti Biblia ket “impaltiing ti Dios.” (2 Tim. 3:16) Ti panangipategtayo iti dayta ti mangtignay kadatayo a mangparegta met iti dadduma a mangusisa ti pudno a pategna.
3 Mabalin a kastoy ti maysa nga idudupag:
◼ “Maigapu iti serioso a problema a sangsanguen ti sangatauan, masarakan dagiti adu a tattao a narigatda a patien ti Dios, wenno pagduduaanda iti abilidad ti Dios a mangsolbar kadagiti naipasango a problematayo. Kasano ti mariknayo maipapan iti dayta? [Palubosan a sumungbat.] Siputanyo iti titulo daytoy a tract, No Apay a Mapagtalkanyo ti Biblia.” Basaen ti umuna ken maikadua a parapo iti panid 2. No ipamatmat ti bumalay iti interes, mabalinyo a basaen ken ilawlawag dagiti naisitar a kasuratan iti maikadua a parapo. Kalpasanna itukonyo daytoy libro a Ti Biblia—Saot’ Dios wenno iti Tao? a kadua iti New World Translation, a maipakita no kasano a pabilgenna ti panagtalek iti Sao ti Dios.
4 Ti sabali nga iyaasideg isut’ umasping iti daytoy:
◼ “Dikay kadi umanamong a ti sangatauan ket kasapulanna iti direksion a mangsaranget kadagiti problema ti biag? [Palubosan a sumungbat.] Iti napalabas, masansan a dagiti tattao ket kumitada iti Biblia a maipaay a giya, ngem nagbaliwen ti panawen. Ti kunayo adda pay ngata praktikal a pateg iti Biblia kadagitoy nga aldaw? [Palubosan a sumungbat.] Siputanyo ti nakuna iti 2 Timoteo 3:16. [Basaen.] Ti naisurat a Sao iti Dios ket saan laeng a tumulong kadatayo a mangaramid ti nainsiriban a desision ngem mangipaay met iti namnama ti masakbayan.” Basaen ti Juan 17:3. No ti bumalay ket mangipangag a sipapabor, itudo kenkuana iti maysa wenno dua a masinunuo a puntos a napiliyo manipud ti Kapitulo 12 iti libro a Ti Biblia—Saot’ Dios wenno iti Tao? a mangiladawan iti praktikal a pateg ti Biblia.
5 Masarakanyo a makatulong no usaren dagiti dadduma nga introduksion a naiwayat iti panid 10 ti Panakirinnason a libro iti baba ti “Biblia/Dios.” Dagiti kanayonan a pakaammo a naidatag iti pinanid 69-78 ti makatulong a pangsungbat kadagiti saludsod dagiti bumalay wenno pangparukma iti pangontrada.
6 Panangitukon iti New World Translation: Masaludsodyo iti bumalay no adda kopiana a Biblia ken no nasarakanna a nalaka a basaen. Agpannuray iti sungbatna, maibaga dagiti dadduma a makatulong a benneg ti New World Translation. Ilawlawagyo ti maysa wenno dua a puntos manipud iti pinanid 255-259 iti Panakirinnason a libro.
7 Alistokayo koma a mangparegta kadagiti tattao a bumasa ti Biblia. Babaen ti panangalagad kadagiti prinsipiona iti biagda, magun-odda ti gunggona itan ken iti masakbayan.—Sal. 119:105.