Saludsod

◼ Kaano a masapul a maidaulo dagiti Panagadal ti Libro iti Kongregasion?

Masansan a mas praktikal no adda adu a grupo dagiti panagadal a naiwaras iti nagduduma a lugar ti teritoria ti kongregasion imbes nga agtitiponda amin idiay Kingdom Hall. Dagitoy a panagadal ti maidaulo iti tiempo a nawaya kadagiti kaaduan a natudingan a tumabuno. Gagangay, maaramid daytoy iti rabii bayat ti lawas nga awan dagiti sabali a gimong wenno aktibidad ti serbisio. Nupay kasta, pagimbagan no maiyurnos ti panagadal ti libro bayat ti aldaw tapno nagin-awa kadagiti nataengan ken empleado ti rabii. Iti sumagmamano a kaso, praktikal no adda panagadal bayat ti aldaw iti ngudo ti lawas.

Agsaludsod dagiti panglakayen tapno maikeddengda dagiti oras ti gimong a “kumbeniente iti kaaduan kadagiti agibumbunannag” agraman interesado a tattao. (om p. 62) Ti oras a napili masapul a tiempo a saan a masinga dagiti naiplano nga urnos iti tay-ak ti serbisio.